Monthly Archives: mayo 2026
Descarga de boletíns desde o abalarMóbil
Informar que xa está dispoñible en abalarMóbil e espazoAbalar unha nova funcionalidade para as familias, que permite descargar o informe de avaliación en formato PDF.
Para acceder a este servizo, deben entrar no apartado “Cualificacións” e seleccionar “Solicitar informe de avaliación”. Unha vez realizada a solicitude, recibirán ao cabo duns minutos, unha notificación push indicando que o documento xa está dispoñible para a súa descarga.
Pódese consultar toda a información sobre abalarMóbil no portal espazoAbalar:
https://espazoabalar.edu.xunta.gal/abalarmobil
Neste mesmo espazo tamén está dispoñible o manual de uso en formato PDF:
https://espazoabalar.edu.xunta.gal/abalarmobil/descarga-manual-pdf
Saúdos!
Andaina solidaria
Queríamos compartir convosco unha iniciativa moi especial que terá lugar este domingo 24 no concello veciño de Rianxo: a I Andaina Solidaria “Camiños de Ouro. O paraíso existe”.
Será unha xornada para desfrutar da natureza, compartir tempo en familia e entre amigos, facer deporte e, sobre todo, colaborar cunha causa solidaria moi importante .
Ao longo da andaina poderedes gozar de paisaxes incribles, contar con avituallamento durante o percorrido, levar unha pulseira conmemorativa desta primeira edición e, ademais, participar no sorteo de diferentes premios doados polo comercio local de Rianxo.
Por iso, animámosvos a participar e acompañarnos nesta andaina solidaria, porque toda asistencia conta e toda axuda suma.
BOLSAS NEAE 26/27
Estimadas familias,
Desde o centro informámosvos de que a partir de hoxe, martes 19 de maio, está aberto o prazo para tramitar as bolsas para o alumnado con necesidades educativas específicas (Bolsas NEAE do Ministerio de Educación).
Na seguinte ligazón podedes acceder á web do Ministerio de Educación: https://www.educacionfpydeportes.gob.es/servicios-al-ciudadano/catalogo/general/05/050140/ficha/050140-2026.html#dc1
Aí poderedes consultar o texto da convocatoria das bolsas 2026/27 e tamén acceder directamente á sede electrónica para comezar a tramitación, seguindo estes pasos. A pesar de que o prazo estará aberto ata o 10 de setembro de 2026, recomendamos que non o deixedes para os últimos días. Tamén podedes revisar o tipo de axudas que conceden e as cuantías.
Para calquera aclaración, podedes chamar ao teléfono do centro e preguntar pola orientadora (Natalia). Tamén podedes pedir información na Unidade de Bolsas Coruña: 981184741 – 981184742
Froita fresca en maio!
Calendario desta segunda quenda para que o poidan ter en conta. SAÚDOS
Fondo solidario de libros de texto e axudas para a adquisición de libros de texto e material escolar
Curso 2026/2027
Prazo de solicitude: do 19/5/2026 a 19/6/2026, incluídos
Texto da convocatoria: ORDE do 29 de abril de 2026 (DOG do 18 de maio)
Procedemento administrativo: ED330B
Forma de presentación de solicitudes:
- Electrónica: utilice esta aplicación e presente solicitude na Sede Electrónica [iniciar].
IMPORTANTE: na presentación electrónica deberá presentar unha solicitude individual para cada un dos seus fillos.
NECESITARÁ ter: A) conta de Chave365, ou B) ter instalado certificado dixital (guía) ou DNI electrónico e máis a aplicación Autofirma
- Presencial con asistencia da aplicación : cubra os datos nesta aplicación, imprima os Anexos I e II producidos e presenteos no centro educativo [iniciar].
- Presencial manual: cubra os Anexos I e II da Orde da convocatoria e presénteos no centro educativo. (poden pasar a recoller unha copia a partires do martes 19 de maio).
O alumnado que non estea admitido nin coñeza en que centro vai estar escolarizado no curso escolar 2026-2027, deberá presentar a solicitude no centro no que está matriculado no curso 2025-2026.
