Monthly Archives: noviembre 2016
Callejeros Barbanza
SOS CALLEJEROS (Barbanza)
Nace de la iniciativa de un grupo de amigos de la comarca para la concienciación y Difusión de animales sin hogar.
Proxecto Elisa
O proxecto ELISA nace coa intención de realizar un estudo lonxitudinal a gran escala, centrado na análise do desenvolvemento condutual, emocional e psicosocial dos nenos e nenas galegos/as dende os primeiros anos de escolarización (etapa Infantil).
Esperamos contar cunha mostra inicial de máis de 2000 nenos e nenas, de entre 3 a 5 anos, escolarizados en centros educativos de diversas zonas urbanas, rurais e semirurais de Galicia. Isto permitiranos analizar en profundidade os factores que se relacionan co benestar e o desenvolvemento saudable dos nosos cativos, co fin último de deseñar estratexias educativas que promovan ese benestar e axuden na prevención de dificultades temperás ao longo da infancia.
No proxecto ELISA contamos coa estreita colaboración dos colexios e das familias. É por iso que este espazo pretende ser un punto de encontro entre todos/as aqueles/as que fan posible o desenvolvemento dun proxecto destas características.
Esperamos que sexa do voso interese. Benvid@s!!
FORO ECOLÓXICO DE BOIRO
Hoxe en día, nun mundo cada vez máis globalizado, nacen por diversos currunchos iniciativas de colaboración cidadá, xa ben en forma de asociacións máis ou menos formais, xa ben en forma de actividades puntuais.
O foro ecolóxico de Boiro naceu dos encontros entre persoas que se coñecían e que compartían uns intereses comúns: alimentarse de xeito máis natural, equilibrado e sempre que fose posible con autoprodución ou produción local; aprender ou recobrar de quen o facía hai anos como cultivar as terras con respecto e seguindo os ciclos da propia natureza, sen forzala ou acelerala con produtos químicos; aprender a facer cousas para nós e por nós mesmas e rexeitar o consumismo desaforado que nos domina. Son estas, e moitas outras arelas, as que serven de alicerces para o proxecto, un camiño lento e de longo percorrido que iniciamos. Ese grupo de persoas, diferentes en moitos aspectos e iguais noutros tantos, falou, intercambio ideas e propostas e decidíu que o mellor xeito de facelo era fundar unha asociación. Así naceu unha nova entidade sen ánimo de lucro no concello de Boiro e na comarca da Barbanza, na que quen queira participar, aínda que sexa poñendo un gran de area, é benvido.
https://www.facebook.com/foroecoboiro/
A nosa actividade ramifícase, de momento, nos seguintes aspectos: grupo de consumo, feiras, formación e actividades de (re)coñecemento da contorna e dos seus recursos.
Todos eles están enfocados a conseguir que as persoas se impliquen na conservación, valorización e mellora do mundo no que vivimos. Todo isto desde o respecto ás persoas, ao medio urbano e rural, aos coñecementos e saberes de hoxe e de onte. A nosa maior ansia é que cada individuo, que por si mesmo pode non ter forza nin capacidade de mudar a sociedade, se xunte cos seus veciños, coas persoas coas que comparte espazo e tempo vital e traballe día a día, paso a paso, por vivir mellor e de xeito máis xusto e respectuoso con todo o que o rodea. A tardanza en ver os froitos desta colleita pode desanimar a moitos, pero os cambios levan tempo para que, igual que unha semente, collan forza e medren ata dar os seus froitos.
Esperamos que desde as xeracións máis vellas, depositarias de tantos saberes que non deben perderse, ata as máis novas, que son coma as leiras que debemos coidar con agarimo e encher de sementes que frutificarán, vaian deixando un pouso neste camiño e que dure moitos anos. E tamén saber compartir este traxecto con outras asociacións, entidades e empresas que teñan obxectivos compartidos e que poidan achegar a súa experiencia, recursos e ideas para complementar e mellorar esta iniciativa.
2 APROVEITANDO RECURSOS
O alumnado de 2ºB aproveitamos os recursos que nos ofrece o noso “Horto” (tomates cherry e ourego) para a partir deles converternos en COCIÑEIROS/AS.
Comer variado e rico, rico….pode ser moi divertido!!!!
E aprender TAMÉN.
Tamén no Nadal un consumo racional
O Foro Ecolóxico de Boiro organiza unha charla coloquio sobre a importancia de coñecer ben os produtos que mercamos e a influenza do márketing.
Venres 2 de decembro ás 16:30h no centro social de Boiro.
Precisa inscripción previa no 981842635
Música, poesia, ilustraçom e cómic.
PRESENTACIÓN: 30 DE NOVEMBRO, 21.30h. Sala Riquela (Compostela)
Um collage de canções, desenhos, poemas e sequências, onde cada um funciona livre dentro da unidade: peças com carácter independente, que ao mesmo tempo, como partes do todo, cobram um sentido novo.
No concerto desfrutarás da música sincera de Berlai, e também da narrativa ilustrada ao vivo e projectada. Uma travessia por uma história emotiva e real: A história de um homem desconhecido, de um homem solitário, que preferiu viver a sua vida como se fosse um sonho.
Uma história que combina de maneira consciente uma mistura explosiva de realismo sujo, cru e obsceno com o lirismo mais refinado. Onde o romantismo e a história de amor não conseguem escapar do sexo, da loucura e do desespero.
Entra no mundo do Desconhecido. Deixa-te arrastrar com nós e desfruta de uma experiência única que não deixará indiferente.
Comezamos co horto!!!
Recolleita!!!
Millo, pementos e tomates son os protagonistas nestas datas, posto que son os froitos do traballo realizado!
Continuamos co acondicionamento dos camiños e do invernadoiro. Limpando e preparando as parcelas para o seu cultivo durante este curso.
NOVIDADES!!!!!
Este curso, ademais da inestimable axuda do noso compañeiro Bernardino, contaremos ca colaboración do Foro Ecolóxico de Boiro, representado en 3 nais que realizan talleres de alimentación saudable e se van a encargar da zona Leste do horto. Utilizarán técnicas de agricultura ecolóxica, co que nos vai a servir para aprender e poder comparar ca agricultura popular/tradicional que continuaremos practicando na zona oeste.
Pinta moi ben!!!
Seguiremos informando!!!
CAMPAÑA VACINACIÓN GRIPE (maiores e persoas de risco)
Como xa coñecerás, dende o pasado día 24 de outubro, estase desenvolvendo dende a Consellería de Sanidade a campaña de vacinación antigripal 2016 co obxectivo de diminuir entre a poboación de risco o número e gravidade das complicacións de padecer esta infección.
A gripe é unha enfermidade altamente contaxiosa, cunha nada despreciable mortalidade e morbilidade, e a vacinación continúa a ser a medida preventiva máis eficaz para minimizar o impacto do padecemento desta enfermidade. Se aínda non estás vacinado e pertences a un dos grupos de risco indicados no cartel anexo (e resalto o seguinte grupo: «se convives cunha persoa de maior risco de presentar complicacións de ter a gripe»), invitámoste a acudir a un punto de vacinación, dos 900 habilitados en Galicia.
Na pasada tempada, nesta comunidade autónoma, rexistráronse en IANUS (Historia Clínica Electrónica) durante a onda 31.233 casos de gripe, precisaron ingreso hospitalario 1691 pacientes, 238 na UCI, falecendo 104 deles. Destes, 2/3 non estaban vacinados a pesares de ser dun grupo de risco.
En http://gripe.sergas.gal atoparás mais información.
Un cordial saúdo
ASOCIACIÓN GALEGA DE ASPERGER
NOVA SEDE EN SANTIAGO DE COMPOSTELA
Clica para máis información: 20161107145015
PLAN DE MELLORA DE BIBLIOTECAS ESCOLARES
O DOG do 26 de outubro publica a Orde de 13 de outubro pola que se resolve a convocatoria do Plan de mellora de bibliotecas escolares (PLAMBE) para o curso 2016/2017, no que está incluido o noso centro.
Resolución definitiva do Plan de mellora de bibliotecas escolares 2016/2017
Isto supón o recoñecemento ao traballo realizado pola comunidade educativa: alumnado, pais/nais e mestres pola mellora da biblioteca e a achega de recursos e formación para continuar transformando a mesma.
Grazas a tod@s pola vosa colaboración!!
