Category Archives: DEPT. ORIENTACIÓN
CHARLA SOBRE AUTISMO E ALTAS CAPACIDADES
O próximo sábado 21 de febreiro de 2026 ás 11:00 h. terá lugar na Casa da Cultura de Porto do Son unha charla sobre autismo e altas capacidades, organizada pola Asociación de Trastornos do Espectro Autista do Barbanza (BARBANTEA). Está dirixida a toda a comunidade educativa (profesorado, alumnado e familias). Se é do voso interese, non dubidedes en asistir.
Adxuntamos o cartel da charla.
Camiño á adolescencia
O martes 27 de febreiro o alumnado de 6º de Educación Primaria recibiu unha charla formativa dentro do programa “Camiño á adolescencia”. Foi impartida por Patricia Labandeira, matrona no centro de saúde de Boiro. Durante a sesión abordáronse as distintas etapas vitais, facendo especial fincapé na pubertade como un período de transición no que se producen importantes cambios físicos, psicolóxicos e emocionais.
Explicáronse de maneira clara e adaptada á idade os cambios corporais que experimentan nenos e nenas, así como as necesidades de hixiene e coidado persoal asociadas a esta etapa. Tratáronse tamén conceptos clave como a menarquia, a espermarquia e a hixiene menstrual, normalizando estes procesos e ofrecendo información rigorosa para favorecer unha vivencia saudable e sen medos. Ademais, dedicouse un espazo a desmontar mitos e falsas crenzasrelacionadas coa pubertade e a sexualidade, promovendo unha visión respectuosa e baseada no coñecemento.
Esta charla resultou de gran importancia para o alumnado, xa que lles permitiu comprender mellor os cambios que están a experimentar ou que experimentarán proximamente, favorecendo a aceptación do propio corpo, o coidado da saúde e o desenvolvemento dunha autoestima positiva. Ademais, contribuíu a crear un espazo de confianza para resolver dúbidas, fomentando actitudes de respecto cara a un mesmo e cara ás demais persoas.
A actividade está directamente relacionada cos contidos traballados nas seguintes áreas desde as titorías.
- Coñecemento do Medio Natural, Social e Cultural, ao abordar o corpo humano, o desenvolvemento persoal e o coidado da saúde.
- Educación en Valores Cívicos e Éticos, ao promover o respecto, a igualdade, a convivencia e a aceptación da diversidade corporal e emocional.
- De maneira transversal, tamén contribúe á educación para a saúde, á educación afectivo-sexual e ao desenvolvemento das competencias persoais e sociais do alumnado.
En conxunto, a charla supón unha achega moi valiosa ao proceso educativo integral do alumnado, complementando o traballo realizado na aula e reforzando os obxectivos curriculares establecidos para esta etapa. Dende o centro agradecemos a Patricia a súa cercanía e claridade á hora de tratar temas tan importantes para o noso alumnado de 6º, o cal se amosou, a nivel xeral, moi curioso e participativo.
Axudas para alumnado Con necesidade específica de apoio educativo para o cursos 2025-2026
Nova Convocatoria NEAE para o vindeiro curso 2025/2026, para que o poidades ler, e más adiante darémosvos máis información acerca da mesma.
O prazo de solicitudes é do 30 de Abril ás 8:00 ata o 11 de Setembro as 24:00 horas, na web do Ministerio de Educación.
Un saúdo
Trastorno por Déficit de Atención e Hiperactividade.
Boas familias! Hoxe gustaríame compartir un video onde se recolle moi ben visualmente o TDAH e os seus tipos de clasificación. Coma familias e coma docentes é moi importante observar certas sinais que poden indicar a presenza do mesmo. Tamén , é moi necesario recordar que os TDAH subtipo Inatento pasan moi desapercibidos e enmascarados presentándose coma un alumnado tranquil@, con boas calificacións pero que con os anos poden comorbilizar con outros trastornos debido a non intervención axeitada e temprana.
Ante a sospeita ou dúbida de un posible TDAH, o máis recomendable é acudir ao pediatra , neuropediatra , psiquiatra infantil ou entidades con personal especializado, pois son eles os que únicamente poden facer un diagnóstico axeitado. O diagnótico é exclusivamente clínico e por tanto é un médico o que fai o mesmo , ainda que moitas veces pode estar apoiado por psicólogos, psicopedagogos, departamentos de orientación ou educadores que axudan a ter unha visión máis global do trastorno.
Aquí vos comparto o contacto da Fundación referente de TDAH de Galicia para consultar posibles dúbidas ou aspectos relacionados co mesmo. Instituto Galego de TDAH e trastornos asociados. https://www.fundacioningada.net/ . Moitos saúdos Maru
E chegou Xuño…
Boas familia! Chegou Xuño e por fin o sol! Na aula de AL, seguimos facendo diversas cousas en función das necesidades do alumnado. Aquí vos deixo algunhas das actividades feitas:
Motricidade Fina: Na etapa de infantil , como comentei en anteriores entradas, é imprescindible o traballo de Conciencia Fonolóxica e todas as conciencias que acolle dentro. Tamén é de gran interese a motricidade fina en relación co posterior proceso lectoescritor, por iso ás veces reforzamos esta área con xogos ou actividades. O traballo en motricidade fina en educación infantil, non solo prepara ás crianzas para as tarefas académicas coma a escritura senon que tamén os axuda a desenvolver habilidades esenciais para a súa vida diaria e benestar.
Pero… ¿ A qué nos referimos con motricidade fina? Pois podemos dicir que son eses movementos pequerrechos e precisos , nos que utilizamos mans e dedos , e que son esenciais para dibuxar, escribir, abotonar,cortar etc. Ademáis teñen moita importancia porque axuda ao desenvolvemento cognitivo ( concentración, atención, estimulación), prepara para a escritura ( coordinación mano-ollo, fortalecemento dos músculos das mans e brazos) e favorece a súa autonomía posto que lles axuda en actividades prácticas e fomenta a creatividade e a interacción social.
Lectura Global apoiada por pictogramas: A lectura global con pictogramas é unha metodoloxía educativa que utiliza imaxes (pictogramas) xunto con palabras para facilitar a comprensión e a aprendizaxe da lectura especialmente na aula de AL con nenos con dificultades de aprendizaxe ou NEAE. Aquí vos comparto algún video onde vemos o divertida que pode ser as veces este tipo de lectura.
Dificultades lectoescritura : Neste punto estivemos a traballar co método Diverlexia de «Carmen Silva » co cal, ao longo dos anos formeime e utilicei por ser para min moi completo e con contido e actividades divertidas para o alumnado. Ahí vos deixo algunhas das fotos onde se traballa a búsqueda e diferenciación de categorías gramaticais, vocabulario novo e conciencia fonolóxica.( léxica, silábica e fonémica)
Conciencia Léxica : A conciencia léxica , como comentei noutras entradas é a capacidade de recoñecer as palabras como un todo e manipulalas dentro da linguaxe . A conciencia léxica, nos primeiros anos é moi importante posto que conforma a base das habilidades lingüísticas para a aprendizaxe da lectura e escritura. Neste video que vos comparto , facemos o traballo de conciencia léxica de maneira oral ( posto que é na etapa de infantil) mediante pedras de cores ( traballo multisensorial ) que pode contar o alumnado para identificar o números de palabras.
Con isto despídome ata a próxima entrada onde os compartirei actividades e consellos para realizar co alumnado no verán. Saúdos.
1º semana de maio
Boas familias! Esta 1º semana de maio estivemos a argallar varias cousiñas pola aula de AL. Por un lado estivemos coma sempre facendo diversas actividades relacionadas coa linguaxe pero esta semana fixémonos escritores para as nosas nais. O alumnado estivo a diseñar cartas moi bonitas e especiais para agasallar as súas nais nese día ( algunhas son fermosas e con moito corazón ).
Tamén estivemos a xogar ao mercadillo co alumnado de infantil para traballar vocabulario e articulación de sons xa adquiridos.
Como sabedes, a motricidade fina é moi importante, xa que é unha habilidade moi necesaria para facer tarefas de destreza manual como abotoarse, escribir,recortar, manipular, etc. O desenvolvemento da mesma, é crucial na infancia xa que permite aos nenos/as explorar o seu entorno, aprender habilidades académicas e desenvolver a independencia de actividades cotiás. É por iso que moitas veces utilizamos na aula de AL diversos recursos como o que vades ver, para potenciala . Nesta imaxe ademáis da motricidade fina estamos a traballar a orientación visoespacial.
Non vos vou a volver a falar da importancia da conciencia fonolóxica e a súa relación co proceso lectoescritor por iso , como vedes, é algo continuo na aula de AL.
Para rematar déixovos un video moi chulo onde unha alumna de 4ºcurso de primaria ensínanos vocabulario da familia en Lingua de Signos. Esta vindeira semana subiremos algúns mais.
https://youtu.be/D8VZI3D7LLk
Becas ANEAE
Información e solicitudes
Cousiñas de abril e chegando maio
Rematando o mes de abril deíxovos algunhas fotos das actividades que andivemos a facer na aula de AL.
O Tangram , é unha ferramenta moi versátil que nos axuda a traballar moitos aspectos. Neste caso ,estivemos a promover a creatividade, potenciar a coordinación motora e como non a mellorar o razonamento e pensamento lóxico, pensamento abstracto e a resolución de problemas. Como especialista recoméndovolo para usar na casa e xogar en familia,posto que é recomendado ata os 99 anos 🙂 .
Esta semana pasada, marchou a nosa alumna de prácticas Vane coa que o alumnado estivo moi contento ,pois se implicaba moito e foi moi cariñosa. Aquí podémola ver traballando nunha sesión de AL de infantil e alumnado TEA onde trata de potenciar a motricidade fina, coordinación mano-ollo e o inicio da grafía das letras.
Polo Día do Libro somos Detectives e tiramos do recurso dunhas compañeiras e fixemos de detectives mediante a comprensión lectora. Foi unha actividade que lles gustou moito, pois tiñan que ir seguindo as pistas e enganos buscando ao ladrón entre seis sospeitosos. Toda esta tarefa require de esforzo mental, traballo de razoamento, planificación, organización dos datos, comprensión lectora e ….. INTUICIÓN!! pois non é todo o que parece.
E que me dicides da actividade magnífica de Diverlexia » Metodo Diverlexia» realizada por unha alumna ? A verdade, pareceume moi creativa a asociación que encontrou entre os grafemas ( letras) e unha posible representación , mediante un debuxo que posteriormente o convertirá na súa percepción mental cada vez que teña que recordar como se escribe dita letra. Para que o entendades mellor… cando quera saber como se escribe VER recordará o debuxo da nena cunha V sinalando os ollos e non dará lugar a erro na escritura.
Kamishibai: Ademais do alumnado de 6º uníronse o grupo de 1 para traballar co Kamishibai pero… sabedes que é un Kamishibai? Pois é unha forma tradicional xaponesa de contar historias combinando as imaxes ou debuxos con narración oral «teatro de papel». Hoxe en día utilízase nas escolas, bibliotecas e outros para contar historias, promover a alfabetización e favorecer a arte. Este Kamishibai coñecido como » Kamishibai do hospital, pilulas para un mundo mellor» é obra de Marta Pena Area @martapenaarea , Pilar Porta @porta_pilar e ilustracións de Gabriel Dominguez, os cales fixeron realidade este proxecto gracias ao apoio da Secretaria Xeral de Política Lingüística. Ahí vos deixo algunhas das imaxes do gran traballo feito polo alumnado de 1º e o apoio da profe Lucía que sempre está disposta a facer cousiñas molonas.
E por último o traballo de lectura global combinado coa conciencia fonolóxica a tope para incidir nas dificultades do Principio Alfabético. Neste punto elaborei unha chea de palabras sinxelas do voculario habitual de neno e un xogo de imaxes para asocialas posteriormente.
Despídome de vos desexando unha boa entrada no mes de maio, o meu mes favorito , cunha frase: «Que en maio, cada día sexa unha aventura chea de risas e descubrimentos, onde os soños voen alto coma cometas e a imaxinación sexa a tua mellor compañeira de xogos»
Chegou a Primavera o tempo das flores!
Boas familias , nesta entrada imos compartir algunhas cousiñas que quedaron pendentes antes das vacacións da Pascua, xunto con outras novas.
En primeiro lugar, gustaríame compartir unhas imaxes dun contacontos que fixo unha alumna da aula de AL co alumnado de 2º Primaria.
O traballo cos contacontos é moi recomendable, posto que fomenta o desenvolvemento da lectoescritura, axuda a espertar o interese pola lectura, aumenta o vocabulario, mellora a comprensión lectora , transmite cultura, estimula o pensamento creativo levando aos ointes a mundos imaxinarios e desenvolve as habilidades comunicativas . É por iso, que decidimos dende a aula de AL , participar con este proxecto dunha das titoras de 4º e levalo a cabo nos 2ºs cursos debido aos seus beneficios para co alumnado ointe así como para a alumna que vai facer a interpretación do mesmo. Durante as sesións de AL pasámolo ben acabando de decorar e preparando a exposición do mesmo. Ahí van algunhas fotos!
Por outro lado, gustaríame destacar o gran traballo que fixo o alumnado de 6ºA xunto coa profe Susana co Kamishibai coa idea de crear alianzas e traballar xuntos na procura dun mundo sostible. Pero… sabedes qué é un Kamishibai? Pois é unha forma tradicional xaponesa de contar historias combinando as imaxes ou debuxos con narración oral «teatro de papel». Hoxe en día utilízase nas escolas, bibliotecas e outros para contar historias, promover a alfabetización e favorecer a arte.
Este Kamishibai coñecido como » Kamishibai do hospital, pilulas para un mundo mellor» é obra de Marta Pena Area , Pilar Porta e ilustracións de Gabriel Dominguez, os cales fixeron realidade este proxecto gracias ao apoio da Secretaria Xeral de Política Lingüística. Ahí vos deixo algunhas das imaxes do gran traballo feito polo alumnado.
Coma fin da entrada de hoxe , compártovos algunhas fotos do traballo de articulación co Speechify para corrixir a articulación inadecuada do fonema rótico /r/ e algún exercicio de conciencia fonolóxica ( conciencia fonémica- xogando cos sons e as palabras auditivamente).
PUNTO LARANXA
A Consellería de Cultura, Educación, Formación Profesional e Universidades
publicou recentemente o Plan Integral contra o acoso e ciberacoso escolar, así
como a actualización do Protocolo educativo para a prevención, detección e
tratamento d o acoso e ciberacoso escolar , co fin de dar resposta a este tipo de
situacións nos centros educativos da nosa comunidade autónoma.
Unha das medidas establecidas nestes documentos é a instalación do denominado
Punto Laranxa en cada un dos centros de ensino. Trátase dun espazo físico onde
calquera persoa poderá denunciar de xeito anónimo unha situación de posible
acoso ou ciberacoso escolar.
No noso centro está instalado na entre as portas de entrada, e en breve tamén se habilitará un PUNTO LARANXA VIRTUAL na web do Centro.
