Monthly Archives: noviembre 2022

Habilidades sociais con Historias Sociales no TEA

Esta semana falamos de algo que estivemos a traballar na aula de AL, as historias sociais. O alumnado con TEA, ten dificultades para comprender moitas das situacións que acontecen no seu día a día ( exemplo: deixar sentarse a alguen maior no tren , porque chamar a unha ambulancia nun accidente, etc.). Todas estas situacións cotidianas que nós estamos acostumados/as a manexar, son para eles/as difíciles de comprender xa que as viven de maneira diferente. Derivado de todo isto , as veces nos atopamos con problemas conductuais, frustracións , ansiedade e outros , e é por iso que o traballo coas historias sociais axúdaos/as a ese enfrontamento situacional. As historias sociais sérvenlles para entender un pouco mellor o mundo , xa que aclara situacións que poden ser difíciles ou confusas ( sinais sociais, sentimentos da xente, o que podo facer ou non, etc .) Hoxe vos deixo unha foto das historias que traballamos na aula con alumnado TEA para entender o que está ben e non está ben ( posteriormente de facelo de maneira visual o falamos e explicamos para darlle sentido ). Consello para facer as historias sociais : armarse de paciencia, argallar no ordenador cos pictogramas, usar frases en 1º persona frases que definan acontecementos , frases que dirixan os seus actos, frases perspectivas do que poden sentirse eles/as ou os demáis e frases de control para recordarlle o que teñen que facer. Saúdos e que teñades boa noite!

FESTIRITITITI 2022

Festival inclusivo que ORGANIZA a asociación AMICOS que celebraremos o próximo día 2 de decembro de 11:00 a 13:30 no parque boirense da Cachada (en caso de choiva trasladarase o polideportivo de Barraña).
Na actividade, ademais dos integrantes de Amicos, participarán alumnos e alumnas dos seguintes centros escolares:
CEIP ESCARABOTE, CEIP CABO, CEIP SANTA BAIA, PAZO DE COROÑO, IES BARRAÑA, CEIP PRAIA XARDÍN (BOIRO), CEIP O GRUPO, PLURILINGUE DE ÁRTES, COLEXIO GALAXIA E CEIP BAYÓN (RIBEIRA), CEIP CERNADAS DE CASTRO (LOUSAME), CEP PILAR MAESTU SIERRA (POBRA) CPI DOUS DIS (ROIS).
Máis de 700 escolares que se suman aos 200 integrantes de Amicos.
O principal obxectivo desta festa é conmemorar o día da discapacidade dunha forma
divertida e inclusiva.

(https://www.un.org/es/observances/day-of-persons-with-disabilities)

Non é Rotacismo é Lambdacismo. De R a R e tiro porque alguén me quere…

Hoxe na aula de AL estivemos a traballar cos R, esos fonemas que traen de cabeza aos pequenos e non tan pequenos. Moitas veces escoitamos que cando cando unha persoa non pronuncia ben o fonema /R/ ten o chamado Rotacismo pero non é correcto. O rotacismo dase cando unha persoa converte certos rasgos fonéticos noutros ( normalmente o /L/ en /R/ ex: papel – paper ). Neste caso particular de hoxe, o alumno sustitúe as róticas percusivas ( R forte ) polos rasgos fonéticos do fonema lateral /l/ , chámandose este proceso lambdacismo ( bastante común). A que de seguro moitas veces escoitáchedes a un cativo/a dicir : /latón/ en vez de /ratón/ ou /cantal / en vez de / cantar/? … Pois este é o famoso LAMBDACISMO . Este fenómeno dase comunmente en Andalucía e países Latinoamericanos pero en ocasións tamén o vemos nas nosas aulas. Na intervención, levamos traballando varios días dende comezos de curso co Speechifyrtool e aprendendo a colocar e articular adoitadamente para pouco a pouco interiorizalo e utilizalo na súa linguaxe dirixida e espontánea. Hoxe tocou OCA LOCA para traballar os /R/ e vaia se o pasamos pipa á vez que pronunciamos , colocamos e corriximos. Por certo perdín as partidas…

Aula de audición e linguaxe

Aquí podes ir seguindo as actividades que se van realizando!

CLICA!

COMPOSTAXE DOMÉSTICO, Boiro

O Concello de Boiro puxo en marcha a finais do ano 2019 a entrega gratuíta de composteiros domésticos para aquelas persoas e familias que contasen con vivendas unifamiliares ou vivendas colectivas con espazos verdes e/ou xardín. Con esta medida o Concello de Boiro pretendía comezar a artellar unha rede de compostaxe domestica que promovese unha redución de residuos orgánicos.
Esta medida, beneficiosa para o medio ambiente, as persoas e para a sociedade no seu conxunto foi ben acollida polos veciños e, ate o momento, nestes últimos anos levamos repartidos preto de 200 composteiros domésticos.
Na actualidade, neste ano 2022 temos aínda unha reserva de case 100 composteiros domésticos e, asemade, no ano 2023 prevemos repartir outros douscentos.

As persoas interesadas poden solicitar o composteiro presencialmente, no Departamento de Medio Ambiente do Concello de Boiro, por enderezo electrónico en medioambiente@boiro.org ou telefonicamente.

SAÚDOS

Nunca entendín o mundo Pokemon pero as veces é necesario como recurso AL…

Boas a todos/as , hoxe comparto dúas fotos dalgunhas cousiñas que estivemos a traballar na aula de AL. Por un lado xogamos coas casiñas léxicas que nos serven para aumentar vocabulario dos alumnos/as de infantil traballando por categorías ( elementos da casa, mobles, xoguetes, animais, etc.). Con elas os alumnos/as poden nomear, recoñecer o que se lle demanda ou definir un concepto. Por outro lado, baseándonos nos gustos dalgún alumno ( estratexia para facerlle máis agradable a tarefa) fixemos carreiras con Pokemon para conseguir a Pokeball a medida que imos escribindo ben as palabras . Nesta tarefa o que se quere traballar e a «LOUCURA» da B e da V que tanto lles trae de cabeza. Co xogo, imos interiorizando e diferenciando o uso das mesmas en palabras de ortografía regrada e arbitraria con este fonema tan «tolo» de doble grafema.

MINUTO DE SILENCIO EN CONMEMORACIÓN DO 25 DE NOVEMBRO

En conmemoración do  Día Internacional da Eliminación da Violencia contra as Mulleres, o Observatorio Galego da Violencia de Xénero convídalle  a gardar un minuto de silencio ás 12:00 horas do venres, 25 de novembro de 2022, en calquera punto no que se atope, en recordo e homenaxe a todas as vítimas da violencia de xénero e como mostra de repulsa ante un  problema estrutural,  que nos involucra a toda a sociedade.

Santiago de Compostela, novembro de 2022

Busca a mensaxe secreta.

A conciencia fonolóxica é uns dos aspectos máis importantes como prerrequisito para ter un bo proceso lectoescritor. Dentro desta conciencia fonolóxica se inclúe a conciencia léxica, silábica e fonémica ( traballalas auditiva e oralmente ). Despois que todo isto esta ben interiorizado, aparece o momento de dar o salto e pasar a introducción do grafema ( correspondencia fonema-grafema ). Nesta actividade que amosamos hoxe , estamos a traballar as mensaxes ocultas de maneira oral xogando coas sílabas iniciais de cada debuxo e elaborando oracións escritas. CONSELLO DO DÍA: Se queredes que os vosos fillos/as teñan un afianzamento do proceso lectoescritor é necesario que vos fagades moi amigos da conciencia fonolóxica xogando con algunhas actividades como estas: contar con saltos as sílabas, contar as palabras nunca oración, xogar a palabras encadeadas, sacarlle unha sílaba a unha palabra e dicir a resultante, dicir os fonemas e colocar a boca, memorizar e adquirir novo vocabulario, nomear palabras que comecen por un fonema determinado, etc.

Unha historia de vida.

Dende a aula de AL andamos a ver os gustos e particularidades nos nenos/as para poder traballar as súas necesidades. Un dos proxectos de traballo que temos en marcha cunha alumna , é unha árbore xeneolóxica para poder falar e escribir sobre a historia de vida ( excusa para traballar outras cousas), . Pero … unha árbore porqué? Pois mediante a árbore podemos falar e escribir da familia, de acontecementos ocorridos , de situacións e de historia . Tamén aprendemos a planificar unha redacción con autoinstruccións , a organizar a información, manexar as TIC , adquirir novo vocabulario e mellorar a morfosintaxe. Cando todo esté un pouco máis avanzado seguiremos subindo fotos. Saúdos e bo xoves familias!

Hoxe vai de inventos a cousa.

O grupo de dinamizacións da Biblioteca, elaborou estos días pasados un recurso moi bo e traballoso para poder usar todos os alumnos/as do centro . Dende a aula de AL , saímos a biblioteca para utilizalo como recurso didático e traballar o seguinte: Función executivas ( atención sostida, planificación e organización das tarxetas , inhibición e outros. ), comprensión lectora de oracións, traballo conxunto con alumnos con TEA e adquisición de novos coñecementos sobre inventos. Como vedes aprender é divertido!