Monthly Archives: mayo 2023
Comedor: novo regulamento.
Aprobado un novo regulamento do comedor.
O prazo de solicitudes (ver o regulamento e anexos na ligazón anterior) comezará o próximo 20 de xuño e deberá facerse NECESARIAMENTE a través do correo electrónico, e rematará o 20 de xullo (anpatorredegoians@gmail.com).
Só serán admitidas as solicitudes recibidas por este medio. Posto que a orde (data e hora) de chegada poden influír na adxudicación de prazas.
Nota: Os anexos (solicitude) poden obterse na ligazón do regulamento.
Convocatoria do fondo solidario de libros de texto e axudas para adquirir libros de texto e material escolar
Orde do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 (códigos de procedemento ED330B).
- O prazo para presentar solicitudes iniciarase o día seguinte da publicación desta orde no Diario Oficial de Galicia e rematará o día 21 de xuño de 2023 (este incluído).
Orde do 10 de maio de 2023 (DOG)
Extracto da Orde do 10 de maio de 2023 (DOG)
DESTINATARIOS:
- Fondo solidario de libros: alumnado matriculado en 3º, 4º e 5º e 6º de Educación Primaria
- Axudas para adquirir libros de texto: alumando de 1º e 2º de EP
- Axudas para adquirir material escolar: alumando matriculado en EP
PRAZO DE PRESENTACIÓN DE SOLICITUDES
Abrangue dende o 20 de maio ao 21 de xuño de 2023, ambos incluídos.
FORMA DE PRESENTACIÓN
- Electrónica (Procedemento ED330B) a través da sede electrónica da Xunta de Galicia, https://sede.xunta.gal
- Presencial con asistencia da aplicación: cubrir os datos na aplicación (https://www.edu.xunta.gal/fondolibros), imprimir os Anexos I e II e presentalos no centro
- Presencial: cubrir os Anexos I e II e presentalos no centro.
DOCUMENTACIÓN
- Anexo I
- Anexo II
- Copia do libro de familia ou documento equivalente, onde figure o alumno e os demais membros computables da unidade familiar. En caso de separación ou divorcio, deberán achegar a sentenza xudicial e/ou convenio regulador onde conste a custodia do/da menor.
PUBLICACIÓN DE LISTAXES
-Listaxes provisionais: 27 de xuño
– Reclamación ás listaxes provisionais: 28 e 29 de xuño (2 días posteriores á publicación)
– Listaxes definitivas: 3 de xullo
ENTREGA DE VALES: entre o 4 e o 14 de xullo ou a partir do 1 de setembro
ENTREGA DE LIBROS: a partir do 1 de setembro
Olloboi 2023
Comeza o FESTIVAL Olloboi2023
Esta é a programación á que nos informan que está convidada toda a comunidade educativa!
Para asistir á gala final, tedes que apuntarvos na súa web https://www.olloboi.com/ Enlace directo: https://www.olloboi.com/formularios/form_muchachada/
EnsinArte
«Ensinarte: Creando a nosa identidade». Este sábado, día 20 de maio, na rúa peonil poderán verse ao longo do día as obras feitas polo alumnado dos seis centros de ensino de infantil e primaria do noso Concello. Esta pequena mostra recolle dun xeito simbólico a nosa identidade como pobo dende a perspectiva do ensino.
Maio Brincadeiro
Ao longo de todo o día na rúa peonil poderán verse as obras feitas polo alumnado dos seis centros educativos do noso concello. Con esta iniciativa preténdese dar visibilidade aos traballos que elaboran os Equipos de Normalización lingüística onde participa activamente o alumnado.
Romaría letras galegas
O venres 19 de maio celebraremos a Feira das Letras Galegas con diferentes actividades e obradoiros, dos cales un será a recreación de dous maios, polo que solicitamos a colaboración das familias.
Necesitamos (mimosas, hortensias…, follas variadas) para poder montar os maios, polo que aqueles/as que podan traer ao centro flores e follas, agradecemos a súa axuda. Tamén solicitamos a aportación de un euro por alumno/a para axudar cos gastos da xornada (máis abaixo relaciónanse as actividades programadas)
Comezaremos a recollida a partires do martes 16, para ter todo o necesario para o venres.
Esperamos que todo o alumnado desfrute da xornada e posteriormente subirase á páxina web fotos e vídeos de como foi a celebración para que as familias tamén podan ser partícipes.
Obradoiros:
Posto do Fonógrafo (música en galego e bingo musical).
Posto Sensorial.
Posto “Os Maios”, (dous armazóns un para infantil e outro para primaria).
Muro das Verbas
Posto da Arte.
Posto Experimentos.
Posto robótica.
Posto do Homenaxeado.
Posto de Vídeo e Set de TV.
Xeadería
Reciban un cordial saúdo e gracias pola súa colaboración.
Homenaxeado, Letras Galegas 2023
O Día das Letras 2023 homenaxea a Francisco Fernández del Riego, ensaísta, narrador e político xurdido no seo do Grupo Nós, que levou a cabo un intenso e extenso labor intelectual a prol da lingua, podéndose destacar o propio feito da conmemoración do Día das Letras Galegas existir, xa que foi un dos promotores da idea.
A importancia da Conciencia Léxica .
O proceso lectoescritor é unha tarefa complexa que require dun traballo en varias aspectos. Tanto os sons coma as letras , unidades mínimas sen significado, conlevan dificultade polo que é necesario un traballo da conciencia léxica, silábica e fonémica. A conciencia léxica é a primeira área a traballar dentro da chamada conciencia fonolóxica. É o contacto directo coas palabras coma un todo ou parte dunha oración para posteriormente poder analizar e profundizar máis minuciosamente. O desenvolvemento desde habilidade é necesario dende infantil para así ir podendo diferenciar as palabras contido ( palabras con significado) das palabras función( conectores) o cal evitará posibles erros de unións, fragmentacións, adicións e outros na escritura. Hoxe vos deixo un exercicio para traballar a conciencia léxica. Neste caso en concreto estase a traballar con alumnado con dificultades de aprendizaxe e trastorno lectoescritor polo cal seguen a ter a dificultade en cursos superiores. Unha maneira de facelo máis práctica e que o exercicio o interioricen por varias vías multisensoriais.
Xornada sen emisións CO2
O venres 12 de maio realizaremos no centro a Cuarta Xornada sen CO2 como actividade do Día Mundial do Medio Ambiente e promover a creación dun «Camiño Escolar Seguro» no concello.
Consiste en realizar o desprazamento ao centro con medios de transporte libres de combustión. Realizaremos unha ruta acompañando a todas as persoas da comunidade educativa que así o decidan desde o cruce da rúa Estatuto de Galicia coa rúa Dereiros Humanos en bicicleta ou patinete ata o colexio ÁS 8:30horas, e volta ao remate da xornada lectiva.
SAÚDOS
