Category Archives: ANPA Torre de Goiáns
Festa SAMAÍN Anpa
Agardamos no pavillón do CEIP SANTA BAIA a todas as persoas que se queiran achegar… mellor disfrazadas o mércores 30 ás 17:00h.
Ao remate visitaremos a exposición de cabazas do colexio.
Foliada pola educación inclusiva
Prezadas familias:
A ANPA do IES A Cachada organiza hoxe, 11 de outubro, un serán reivindicativo de 7 a 9 da tarde no pavillón do instituto para reclamar que manden un mestre de Pedagoxía Terapéutica a tempo completo. Levararase unha vez máis as camisetas negras en sinal de protesta e farase unha recollida de firmas. Anímanvos a pasar polo centro nalgún momento dese horario e compartir esta xornada. Graciñas a todos os grupos de Boiro que van colaborar desinteresadamente neste evento.
Clica no enlace para toda a info.
Nota informativa, Anpa Torre de Goians
Prezadas familias:
Como ben sabedes, o noso centro está adscrito ao instituto da Cachada. Por este motivo a maior parte do noso alumnado realiza os seus estudos de Secundaria no devandito centro.
A nosa ANPA está moi preocupada pola situación actual na Cachada. Como sabedes, é un centro con moita matrícula, que conta con preto de 400 alumnos/as. No seu momento chegaron a contar con tres profesores de apoio para atender ao alumnado con necesidades educativas, pero nos últimos anos estes apoios fóronse reducindo. O curso pasado só contaron cunha mestra de apoio (PT) a tempo completo máis outro mestre de apoio que era compartido e ía ao centro só cinco horas. Este curso a situación non vai ser mellor. Cada ano increméntase o número de alumnado que presenta algún tipo de necesidade (autismo, TDAH, problemas de conduta…) pero os apoios sempre minguan. Na actualidade a previsión é que o instituto vai ter que atender a 102 rapaces e rapazas con algún tipo de dificultade, pero non vai contar cos apoios suficientes.
Este tema aféctanos directamente. Este curso é o alumnado que estaba en 6º e pasa para 1º da ESO o que se ve afectado, pero se non o paramos, serán o resto de alumnos e alumnas do noso centro os que vivan esta situación. E non só se verán afectados aqueles que presentan necesidades. No instituto o profesorado completa o seu horario atendendo ao alumnado nas aulas. Este curso van ter que centrarse só naqueles rapaces e rapazas que teñen maiores dificultades, sen tempo para atender ao outro alumnado. Ademais, non contan coa preparación que ten un profesor de apoio, que son especialistas en Pedagoxía Terapéutica, para atender ás súas necesidades.
Por este motivo, vaise facer unha protesta colectiva entre o instituto da Cachada e os seus 4 centros adscritos (Santa Baia, Cespón, Abanqueiro e Cabo de Cruz) o vindeiro día 11 de setembro, que é o primeiro día de clase. A idea é que á entrada no centro se faga unha breve concentración. Para identificar á xente que desexa participar e en sinal de loito pola educación pública, inclusiva e de calidade, imos levar a parte superior (xersei, camiseta…) de cor negra. A idea é que os adultos vos manifestedes diante do centro, acompañados ou non polos vosos fillos/as.
Esperamos que vos animedes a participar nesta protesta, xa que afecta directamente ao futuro dos nosos fillos e fillas.
Anpa Torre de Goiáns en apoio ao IES A Cachada
Prezadas familias desde a Anpa do noso centro apoiamos a concentración convocada pola ANPA A CACHADA.
Mañá, 18 de setembro ás 8:40h, está convocada unha concentración diante do colexio debido aos insuficientes apoios educativos que vai ter o alumnado do IES A CACHADA de cara no presente curso escolar. Animámosvos a participar na defensa dos dereitos do alumnado para lograr unha educación realmente inclusiva.
A dirección da Anpa Torre de Goiáns
Información foto recordo escolar
Recorden que o diñeiro ou as fotografías a devolver, entregaranse directamente en Stuido A4.
(https://maps.app.goo.gl/pr1N2YdcSqBYq38B8, casi frente ao colexio)
Funcionamento comedor escolar
FUNCIONAMENTO
Seguindo o previsto no regulamento do servizo de comedor do Ceip Santa Baia, o vindeiro 20 de xuño abrirase o prazo de presentación de solicitudes de praza para a utilización do comedor escolar para o curso 23/24. O prazo permanecerá aberto ata o 20/07/23.
O prezo deste servizo será de 5’80 € por comensal/día.
Modalidades de solicitudes:
1ª Os usuarios fixos do curso actual interesados en utilizar de novo o servizo de comedor, deberán presentar a solicitude de reserva de praza (Anexo III).
2ª Os novos usuarios e os usuarios esporádicos para o seguinte curso deberán presentar a solicitude de praza (Anexo I).
As solicitudes deberán facerse NECESARIAMENTE a través do correo electrónico anpatorredegoians@gmail.com, tendo en conta que a orde de presentación pode influír na adxudicación das prazas.
Como consecuencia da situación de emerxencia de saúde pública ocasionada polo Covid-19, para o retorno da actividade lectiva e apertura do Comedor Escolar, no tocante ós protocolos a seguir, medidas preventivas e aforo, estarase ao disposto na normativa e nas instrucións que a Consellería de Educación ditamine ao respecto.
Ligazón ó regulamento : VER
Atentamente,
A xunta directiva.
Comedor: novo regulamento.
Aprobado un novo regulamento do comedor.
O prazo de solicitudes (ver o regulamento e anexos na ligazón anterior) comezará o próximo 20 de xuño e deberá facerse NECESARIAMENTE a través do correo electrónico, e rematará o 20 de xullo (anpatorredegoians@gmail.com).
Só serán admitidas as solicitudes recibidas por este medio. Posto que a orde (data e hora) de chegada poden influír na adxudicación de prazas.
Nota: Os anexos (solicitude) poden obterse na ligazón do regulamento.
