Category Archives: ANPA Torre de Goiáns
Impreso de solicitude de actividades «ANPA Torre de Goiáns»
A continuación pode descargar o impreso de solicitude de actividades extraescolares e entregalo na oficina da ANPA ou mesmo no buzón dispoñible á entrada do centro.
A Xunta Directiva
Impreso descargable en PDF:
Impreso de alta de socios «ANPA Torre de Goiáns»
A continuación pode descargar o impreso de alta de socios e entregalo na oficina da ANPA ou mesmo no buzón dispoñible á entrada do centro.
A Xunta Directiva
Impreso descargable en PDF:
Asamblea xeral ordinaria «ANPA Torre de Goiáns»
Estimadas familias, Coa presente queremos convidalas a ASAMBLEA XERAL ORDINARIA da “ANPA
Torre de Goiáns” do CEIP Santa Baia, convocada para o vindeiro Xoves 16 de Setembro no
salón de actos da casa de Cultura de Boiro ás 19:30 horas en primeira convocatoria e ás
20:00 horas en segunda convocatoria coa seguinte orde do día:
– Lectura e aprobación, se procede, da acta da anterior asamblea xeral.
– Estado de contas.
– Actividades previstas para o curso escolar.
– Transporte escolar.
– Comedor escolar.
– Servicio madrugadores.
– Incorporación de persoas a Xunta Directiva
– Rogos e preguntas
Sen outro particular, e agardando a vosa asistencia, aproveitamos a ocasión para
saudalos atentamente,
A Xunta Directiva
Slow Food – Come local
16 centros os escollidos para participar nesta segunda edición da «Come Local» e que esperamos que acabedes tan satisfeitos coma na primeira edición que fixemos de setembro a decembro do 2020 da cal tedes máis información no seguinte link:
https://www.slowfood.com/es/campana-come-local-en-comedores-escolares-de-galicia/
Ademais tamén formarán parte da mesma, os 4 Comedores Escolares Km 0 que xa participaron na primeira campaña: CEIP Xacinto Amigo Lera (Portomouro), CEIP Os Muíños (Muxía), CEIP Vicente Otero Valcárcel (Carral) e CEIP López Ferreiro (Compostela.
A campaña será recollida tamén nas nosas redes sociais e nas da Agacal para dar boa conta do traballo e da implicación de cada un dos centros participantes.
Os centros que participarán nesta segunda volta: Divino Maestro e Colexio La Milagrosa de Compostela; Colexio Alca de Ames, CEIP Santa Baia de Boiro; CPI Dr. López Suárez de Friol; CEIP San Cosme de Barreiros; CEIP Juan Rey de Lourenzá; CEIP Manuel Mato Vizoso de Vilalba; CEIP Rosalía de Castro de Bóveda; IES Lagoa de Antela de Xinzo de Limia, CEIP Joaquina Gallego Jorreto de A Merca; CEIP Carlos Cid Arregui de Rairiz de Vega; Colexio Salesianos-A Mercé de Cambados; CEIP Xoaquín Loriga de Prado; CEIP A Lomba de Vilagarcía de Arousa e CEIP A Paz de Coruxo (Vigo).
Convocatoria de Asemblea Xeral Ordinaria
Convócase a todos os socios a unha asemblea xeral o vindeiro martes 23 de outubro.
Terá lugar ás 19:30 (pra. convocatoria) na Casa de Cultura de Boiro.
Transporte escolar
Neste enlace teñen toda a información sobre os servizos complementarios do Centro. https://santabaia.es/?page_id=4184
Xa poden presentar a solicitude de transpore escolar. Comproben a liña que lles corresponde, pois unha xestiónase dende a Secretaría do centro (liña 1) e as outras son xestionadas pola Anpa( liñas 2 e 3).
Liña 1(https://santabaia.es/wp-content/uploads/2018/04/Anexo-I-WEBxunta.pdf); todos son usuarios excepcionalmente autorizados. Este será o último curso que se realice esta liña por parte da Xunta, debido á rezonificación que tivo lugar no ano 2011. Poden descargar a solicitude e entregala no centro ou vía email: ceip.santabaia@edu.xunta.gal
Liñas 2 e 3 ( https://santabaia.es/wp-content/uploads/2019/04/Anexo-I-WEB.pdf ); poden realizar a solicitude a través do documento de inscrición de socixs da Anpa. O prezo deste servizo tentará manterse igual que o curso pasado, pero dependerá das modificacións que poida sufrir debido á normativa/instruccións da consellería para a loita contra a pandemia.
Apertura prazo de solicitude de comedor
NOTA INFORMATIVA
SOLICITUDES DE PRAZA PARA A UTILIZACIÓN DO COMEDOR ESCOLAR PARA O CURSO 20/21
Seguindo o previsto no regulamento do servizo de comedor do Ceip Santa Baia, o vindeiro 01 de xuño abrirase o prazo de presentación de solicitudes de praza para a utilización do comedor escolar para o curso 20/21. O prazo permanecerá aberto ata o 30/06/20.
Modalidades de solicitudes:
1ª Os usuarios fixos do curso 2019/2020 interesados en utilizar de novo o servizo de comedor, deberán presentar a solicitude de reserva de praza (Anexo III).
2ª Os novos usuarios e os usuarios esporádicos do curso 2019/2020 deberán presentar a solicitude de praza (Anexo I).
As solicitudes deberán facerse NECESARIAMENTE a través do correo electrónico anpatorredegoians@gmail.com, tendo en conta que a orde de presentación pode influír na adxudicación das prazas.
Como consecuencia da situación de emerxencia de saúde pública ocasionada polo Covid-19, para o retorno da actividade lectiva e apertura do Comedor Escolar, no tocante ós protocolos a seguir, medidas preventivas e aforo, estarase ó disposto na normativa e nas instrucións que a Consellería de Educación ditamine ó respecto.
Ligazón ó regulamento :
https://drive.google.com/file/d/1dZ3mdt39QF94cM93XsjIv0bv2ZGUhtmv/view
Atentamente,
A xunta directiva.
ENTROIDO ANPA
Estimadas familias:
A ANPA TORRE DE GOIÁNS vai a organizar este venres 21 de Febreiro unha festa de carnaval. Será no pavillón do colexio, das 16:30 as 19:30 horas.
A entrada será gratuíta para as familias socias da ANPA. Os prezos das entradas para os non socios será de 3€ nen@ e 2€ adult@. Contaremos con inchables, monitorado e actividades para os nenos e nenas.
Instalarase tamén unha pequena cantina con refrescos, café e chocolate a prezos populares, co fin de recadar fondos para as excursións de fin de curso.
Sen outro particular, aproveitamos a ocasión para saudalos atentamente,
A Xunta Directiva
Actividades extraescolares
A continuación podedes atopar o impreso de inscrición nas actividades extraescolares.
