Category Archives: EDLG
Letras Galegas 20024: Luísa Villalta
Arrincamos a semana das Letras Galegas co esbozo biográfico da escritora homenaxeada o próximo 17 de maio, con motivo da celebración do Día das Letras Galegas 2024: Luísa Villalta.
A estación Onda nós nunca pasan os trens, So chegan ou parten. Por iso tamén somos nós a nosa última estación o noso amor definitivo. … Onde nós non hai nunca outro destino que ser un anónimo fin ou un glorioso comezo. Máis alá máis alá somente o mar e a incertidume da luz o extremo o abismo o espello detido en nós.
Luísa Villalta Gómez nace en A Coruña en 1957. Licenciada en filoloxía, a súa vida profesional ligouse á docencia en varios institutos, destacando tamén no eido da música, ao formar parte como violinista da Orquestra de Santiago de Compostela ou da Xove Orquestra de Galicia. Dunha intensa actividade cultural, participou en seminarios, recitais, e colaborou en revistas como A Nosa Terra, Grial ou Trabe de Ouro, entre outras, sendo compilados algúns dos seus artigos no Libro das colunas, de 2005, despois xa do seu falecemento, en 2004, á temperá idade de 46 anos, a causa dunha menixite. Os seus restos descansan no cemiterio de Santo Amaro de A Coruña.
Cultivou diversos xéneros, poesía, teatro, narrativa e ensaio, participando tamén en traducións e obras colectivas. A súa poesía é intimista, á vez que comprometida e feminista, e está salpicada de múltiples referencias ambientais e sobre a súa cidade, A Coruña. Aprézanse na autora trazos que a aproximan ortográficamente ao galego reintegracionista de mínimos. Entre os seus recoñecementos figuran o levar o seu nome unha rúa da cidade de A Coruña, premios da Universidade e Deputación de A Coruña, a biblioteca o IES Isaac Díaz Pardo de Sada, ou o dedicarlle o Día das Letras Galegas deste ano 2024. En 2003 recibiu o premio Espiral Maior.
Como homenaxe á súa figura, rematamos con esta dedicatoria aparecida en elDiario.es en 2023: “Luísa Villalta, a poeta que escribiu a cidade en tinta de mar”.
Feira Letras Galegas 2024
Diversidade de obradoiros e postos, concerto sorpresa, 10 días en galego, vídeo presentación…
15 de MAIO!
Coas mans na terra
O escultor Francisco Asorey (Cambados, Pontevedra, 1889- Santiago de Compostela, 1961) foi o artista homenaxeado no Día das Artes Galegas 2024. A súa formación transcorre en Barcelona e en Bilbao onde realiza os seus estudos e primeiras obras, nas cales se perceben as influencias de Rodin e Bourdelle. O seu regreso a Galicia permitiralle afondar no seu gusto polo románico compostelán, deixando na súa obra unha pegada permanente. Escultor realista, os seus mellores logros son unha serie de tallas policromadas centradas na muller, realizadas entre 1920 e 1926, como «Naiciña», «O Tesouro» ou «Ofrenda a San Ramón».
Os cativos e as cativas do noso centro, en sintonía co proxecto “Flora e Fauna” promovido pola Biblioteca municipal e as bibliotecas escolares dos centros boirenses, quixemos emular as figuras das mulleres aldeás representadas por Asorey, vestidas con traxes de festa, coas súas xoias e panos, mediante a modelaxe e decoración de coloridos testos que engalanan esta primavera algúns dos nosos espazos exteriores e corredores lembrándonos a importancia da natureza e o contacto coa terra.
Romaría letras galegas
O venres 19 de maio celebraremos a Feira das Letras Galegas con diferentes actividades e obradoiros, dos cales un será a recreación de dous maios, polo que solicitamos a colaboración das familias.
Necesitamos (mimosas, hortensias…, follas variadas) para poder montar os maios, polo que aqueles/as que podan traer ao centro flores e follas, agradecemos a súa axuda. Tamén solicitamos a aportación de un euro por alumno/a para axudar cos gastos da xornada (máis abaixo relaciónanse as actividades programadas)
Comezaremos a recollida a partires do martes 16, para ter todo o necesario para o venres.
Esperamos que todo o alumnado desfrute da xornada e posteriormente subirase á páxina web fotos e vídeos de como foi a celebración para que as familias tamén podan ser partícipes.
Obradoiros:
Posto do Fonógrafo (música en galego e bingo musical).
Posto Sensorial.
Posto “Os Maios”, (dous armazóns un para infantil e outro para primaria).
Muro das Verbas
Posto da Arte.
Posto Experimentos.
Posto robótica.
Posto do Homenaxeado.
Posto de Vídeo e Set de TV.
Xeadería
Reciban un cordial saúdo e gracias pola súa colaboración.
Homenaxeado, Letras Galegas 2023
O Día das Letras 2023 homenaxea a Francisco Fernández del Riego, ensaísta, narrador e político xurdido no seo do Grupo Nós, que levou a cabo un intenso e extenso labor intelectual a prol da lingua, podéndose destacar o propio feito da conmemoración do Día das Letras Galegas existir, xa que foi un dos promotores da idea.
Letras galegas – Seminario Galán
Xa está a disposición dos centros escolares o material das Letras Galegas 2023, con actividades didácticas para o alumnado de infantil e primaria, elaboradas polos GT do Seminario de Galán.
Na páxina web do Seminario poderedes atopar actividades interactivas, en formato genial.ly, sobre o autor homenaxeado este ano, Francisco Fernández del Riego, así como actividades en PDF, carteis da exposición e cuestionario, díptico, marcapáxinas, biografía, escolma de textos, fotos e actividades para infantil en lingua de signos, video da biografía, cronoloxía, marcapáxina, libro de lapelas, comecocos… material que pode facilitar ao profesorado a celebración do Día das Letras Galegas.
Este ano como novidade achegamos actividades de robótica con taboleiros, fichas, solucionario…, con información variada do autor: biografía, fotos, obra, textos… unha actividade dirixida ao alumnado de primaria e para realizar en equipo ou individualmente.
A ligazón da web do Seminario é a seguinte:
.
http://www.seminariogalan.org
Moitas grazas pola vosa colaboración.
Alejandra Campo Penín e María Barca Gómez
Coordinadoras GT Seminario Galán
Día das artes galegas
O vindeiro 1 de abril conmemórase o DÍA DAS ARTES GALEGAS, dedicado ao trobador Martín Códax.
Na entrada do colexio preparouse un espazo para retrotraernos á época medieval.
Durante o xoves 30 e venres 31 de marzo levároanse a cabo diversas actividades que foron desde un concerto didáctico a cargo do grupo MENESTREIS ata a escenificación de cantigas medievais por parte do alumnado de quinto e sexto.
Equipo de Dinamización da Lingua Galega.
O ENTROIDO DO SENTIMENTO
O xoves pasado algunhas das aulas recibiron a visita inesperada dunha “pantalla”, que é como se coñece ás persoas que usan este traxe típico do Entroido na zona de Xinzo de Limia, pequena vila do interior da provincia de Ourense que xunto con Laza e Verín forman o chamado triángulo máxico do Entroido en Galicia.
Grazas a esta visita puidemos coñecer de primeira man como xa desde cativos os habitantes desta localidade participan activamente nesta celebración tan ancestral, facendo deste o chamado Entroido do sentimento, dado que se vive dunha forma tan especial tan lonxe dos desfiles de disfraces que nós coñecemos.
Como descubrimos, moita xente aforra durante todo o ano para facer este traxe artesanal e tan custoso, que non é un disfrace de paseo senón un de traballo, xa que as pantallas son os vixiantes do Entroido que xuntos percorren as rúas vixiando e poñendo orde para que non haxa ninguén sen disfrazar. Todos aqueles mozos maiores de 18 anos que non estean disfrazados serán cargados polas pantallas e terán que pagar unha ronda como castigo.
Este Entroido forma parte do patrimonio cultural de Galicia e foi declarado Festa de interese Turístico Nacional no ano 1997 para posteriormente no 2019 converterse en Festa de interese Turístico Internacional, sendo o primeiro en conseguilo xunto co de Cádiz e Tenerife, polo que é importante coñecelo, valoralo e respectalo porque forma parte da nosa historia e cultura como pobo.
Ten o título de Entroido máis longo de España xa que ten unha duración de 5 semanas que comezan co domingo fareleiro (dedicado a tirar fariña), o domingo oleiro (dedicado a tirar ao aire olas de barro cheas de auga hasta que a alguén se lle caian ao chan), o domingo corredoiro, o domingo de Entroido e finalmente o domingo de Piñata.
Unha larga tradición arraigada nas xentes desta vila que desde pequenos e pequenas cos seus primeiros traxes manteñen esta celebración viva para as futuras xeracións, polo que nunca mellor chamado que O ENTROIDO DO SENTIMENTO.
O xardín de Rosalía
Co gallo da celebración do DÍA DE ROSALÍA o vindeiro 23 de febreiro, o EDLG en colaboración cos distintos niveis educativos do centro quixemos homenaxear a tan aclamada autora co «Xardín de Rosalía» que está exposto na entrada do colexio.
As familias poderán visitar a exposición onde verán os diferentes poemas traballados nas aula.
Equipo de Dinamización da Lingua Galega
