Category Archives: INFANTIL
CONTRATOS PROGRAMA 23/24
Se premes nos enlaces terás máis información.
INNOVA
- Comando verde. Equipos por nivel para a xestión, concienciación e sensibilización durante o tempo de lecer no patio dos distintos residuos xerados.
- Xornadas sen CO2. Obxectivo… CES (Camiño Escolar Seguro). Explicación proxecto.
- Posta en marcha como recurso educativo do horto escolar.
Vídeo, podcast, libro, diario, compost…
CPInclúe
CONVIVE-T
Actividades asistidas con animais para fomentar a estimulación temperá e a favorecer a convivencia escolar.
INCLUE-T
– Patios dinámicos 1; xogos dirixidos por docentes no tempo de lecer para favorecer a inclusión e socialización de todo alumnado.
– Patios dinámicos 2; xogos dirixidos por docentes a 3 grupos con alumnado diana.
– Espazos inclusivos de lecer; estacións instaladas no patio de xogos do alumnado para atender mellor á diversidade favorecendo a elección de puntos de interese.
EMOCIONA-T
As actividades relacionadas foron organizadas por distintos departamentos e traballados con dinámicas de grupos e «rol playing»
Proxecto enClave:
– 5º e 6º de primaria: relacións sás, «antibullyn», empatía, resolución de conflitos e responsabilidade afectiva.
– 4º de primaria: obradoiro de emocións.
Departamento de orientación
– 6º primaria: Camiño á adolescencia; persoal sanitario do centro de saúde do concello explican como cambios físicos, sociais e emocionais.
– 6º primaria: Viaxe socioemocional na educación primaria.
– 5º primaria: Aprendizaxe cooperativo e empatía.
COP28
Queremos feitos, non palabras vacías.
O estudantado galego levantámonos e manifestamonos para esixir unha vida digna e sostible. Esiximos a todos os gobernos que cumpran co seu deber de protexer a vida e o futuro de todas as persoas. Esiximos unha resposta contundente contra a crise climática actual, a través dunha transformación sen precedentes que nos poña no centro ás persoas, a ciencia, a saúde, a redución das desigualdades e a xustiza
climática.
O ano 2023 converteuse no ano máis caloroso da historia da humanidade, tras o 2022 con récords sen precedentes, os efectos do cambio climático xa impactan de forma desastrosa en millóns de persoas en todo o planeta.
As olas de calor, as secas extremas, as choivas torrenciais, os incendios forestais… están a causar miles de vítimas mortais. Numerosas perdas e danos que se dan especialmente nas mulleres, colectivos e países máis vulnerables, cuxa responsabilidade histórica ante a emerxencia climática é moi pequena ou
inexistente.
Isto non é xusto. Non é xusto.
Non é xusto que mentres as poderosas empresas tanto nacionais como internacionais obteñen miles de millóns de euros a nosa conta aumenten os efectos da crise climática e as desigualdades.
Esiximos:
● Coidar a auga como o ben público escaso que é. Conforme a sequía aumenta, debemos apostar por unha adecuada xestión e tratamento da auga urbana, e agrícola. Esiximos combater o exceso de regadíos e pozos ilegais, defender ecosistemas clave como o de Doñana, e evitar as infraestruturas que a malgasten asegurando que toda a poboación estea abastecida.
● Poñer como eixe clave na loita contra a crise climática o coidado da nosa saúde,seguindo a estratexia One Health da OMS. Centrarse en disminuir a contaminación atmosférica que cada ano mata a máis de 44.000 persoas só en España, e apostar por unha sanidade pública de calidade.
● Reforzar o transporte público, impulsar as zonas de baixas emisións e un modelo ferroviario que vertebre o territorio e enfríe o planeta.
● Promover un sistema de redución, reutilización e reciclaxe dos residuos, e elaborar un plan de peche progresivo das incineradoras, moi contaminantes e casualmente colocadas preto dos barrios máis populares.
● Aposta clara pola xustiza climática. Debemos loitar polos dereitos de millóns de persoas que se viron na obriga de abandonar os seus fogares ao redor do mundo,e destinar fondor internacionais que subsanen as perdas e os danos dos países de comunidades vulnerables, sen agravar as débedas dos países
do sur. España non cumpre con estes compromisos de financiamento.
● Que os gobernos combatan o poder dos lobbies económicos que se enriquecen a través da crise climática. Acabar coa pobreza enerxética e parar as infraestruturas contaminantes que profundan no problema.
● Adaptarnos á crise climática creando cidades resilientes e habitables, en lugar de illas de calor e asfalto onde as poucas zonas verdes existentes son deforestadas en pos de proxectos urbanísticos propios doutro século. Esta é xa unha esixencia dos nosos compromisos internacionais e do acordo de
París, para os cales España non debe quedar atrás.
● Queremos recibir unha educación medioambiental sobre os efectos da crise climática porque é algo que nos afecta e nos importa.
Por todo iso, no marco do chamamento internacional mobilizámonos como persoas afectadas e en solidariedade cos países do Sur global máis impactados pola crise climática.
Mentres os gobernos mundiais reúnense en Dubai na COP28, a xuventude e outros colectivos unímonos nesta mobilización porque nos preocupa a falta de ambición e as malas prácticas dos diferentes gobernos e a cobiza das grandes empresas e a industria fósil.
Reclamamos o respecto aos dereitos de liberdade de expresión e reunión, na COP28 e en todo o mundo, así como a liberación das persoas presas en EAU por exercelos. Esiximos que se inicien de forma inmediata os cambios necesarios para afrontar a crise climática nas políticas enerxéticas, urbanas, agrarias, sociais e económicas que protexan ás persoas, especialmente ás mulleres, e ao planeta
fronte ás múltiples agresións que nos deixan cada vez máis expostas ante “as portas do inferno climático”, en palabras do Secretario Xeral de Nacións Unidas.
En síntese, esiximos e rogamos hoxe día 5 de decembro do ano 2023 e sempre que se nos escoite. Pedimos e reclamamos aos gobernos que escoiten as voces de rapaces e rapazas que se mostran desasosegados ante a alarmante situación do noso planeta. Non nos ides parar, non nos ides calar, estades poñendo en risco o noso presente e o noso futuro. Porque como dixo Greta Thunberg os adultos non sodes o suficientemente maduros para decir as cousas como son, incluso esa carga nola ides deixar a nós, os nenos.
Colaboramos co desenvolvemento sostible
No centro xestionamos moitos tipos de residuos.
O alumnado ten realizado actividades de visibilización e sensibilización (https://vimeo.com/224908691) (https://www.youtube.com/watch?v=lT7ejhOK5WI). Agora queremos realizar actividades prácticas polo que podemos comezar coa xestión de aceite alimentario usado.
Na entrada principal do centro temos o contedor de aceite usado. Animámosvos a que o alumnado poida darlle uso traendo nunha botella de plástico ben pechada e nunha bolsa (para evitar que unha posible perda estrague o material ou a roupa do alumnado) o aceite alimentario que usades nas vosas casas e que se debe depositar en contedores específicos, xa que é un residuo moi contaminante.
Agardamos que o luns/martes teñamos que baleiralo porque comezamos unha boa dinámica de separación de residuos contribuíndo entre todos e todas ás ODS (obxectivos de desenvolvemento sostible).
APERTAS
Reunións coas familias do alumnado de Educación Infantil- Curso escolar 2023/2024
O mércores 6 de setembro de 2023 terán lugar as reunións coas familias do alumnado de Educación Infantil na AULA DE MÚSICA do centro nos seguintes horarios:
-4 Educación Infantil (3 anos): ás 10:00 h.
-5 Educación Infantil (4 anos): ás 11:00 h.
-6 Educación Infantil (5 anos): ás 12:00 h.
XORNADA DE PORTAS ABERTAS
CURSO ACADÉMICO: 2023-2024
- Data: venres 2 de xuño
- Familias do alumnado que comeza en 4º Educación Infantil (3 anos) no curso académico 2023/2024. O alumnado interaccionará con crianzas xa escolarizadas realizando o primeiro contacto e os maiores coñecerán mellor as dinámicas e organización escolar.
QUENDAS:
- De 09:40h a 10:30h os primeiros 16 alumnos da listaxe de admisión por orde alfabético (desde Bermo Silva a Rodríguez Giráldez).
- De 10:35h a 11:25h a segunda metade da listaxe (desde Rodríguez Zanoni a Vieites Camiño).
SAÚDOS, equipo docente educación infantil.
Portas abertas para familias do alumnado nado en 2020
Martes 28 de febreiro ás 16:30h, poden visitar o centro para coñecer recursos, docentes, espazos… Para esta primeira xuntanza agradecemos que non veñan cos/as nenos/as, xa que trataremos de explicar o funcionamento xeral e resolver as dúbidas que poidan ter.
Entroido 2023
TEMÁTICA, inventos e inventoras/es
Actividades previas:
- Elaboración de disfraces: familias e aula.
- Felipiño: consello dxs nenxs, familias e mestrado.
- Preparación de doces: familias.
17 de febreiro:
- Recollemos os doces, preparación dos disfraces e da degustación.
- 11:00h Desfile de entroido (policía local e mestrxs) co CEIP Praia Xardín.
- 12:15h Degustación, aportan doces típicos as familias para o alumnado.
- 13:00h volta ás aulas para recoller disfraces e preparar a saída.
SAMAÍN 2022
Para toda a comunidade educativa.
Poden colaborar aportando doces típicos (o venres recollémolos nas aulas) e cabazas adornadas (xoves e venres déixanse no hall ou diante da oficina da anpa).
Pola mañá realizaremos actividades co alumnado, entre outras, degustación de postres típicos.
Ás 17:00h a Anpa organiza unha festa no pavillón (túnel terror, inchables, cantina, monitores…)
Ás 19:00h teremos a mostra de cabazas (nos patios do centro) e a degustación de doces (no comedor escolar).
Ás 20:00h concerto no patio cuberto de infantil.
Inicio curso 22-23
O 8 de setembro comezan as actividades lectivas (calendario escolar).
O horario de entrada e saída ao centro será o habitual (prepandemia), de 8:45h a 13:45h.
Os portais de acceso ao recinto abriranse ás 8:35h, pero non se poderá acceder aos edificios ata a hora de inicio das actividades lectivas.
Aínda que o alumnado poderá acceder ao recinto por calquera dos portais, recoméndase: Infantil, portal sur; Primaria, portal norte e transporte escolar, portal rampla.
A entrada ao edificio seguirá sendo para 5º e 6º pola porta principal, de 1º 4º polo patio cuberto e a infantil polo túnel.
Persoal do Centro. Tivemos 5 baixas e 4 novas incorporacións.
PRIMEIRO DÍA
Seguirase o horario habitual (8:45h-13:45h) excepto nos cursos que comezan etapa. 4º de infantil seguirá o calendario do período de adaptación e o alumnado 1º de primaria (1ºA e 1ºB) recollerao ás 8:50h no patio cuberto a súas respectivas titoras para acompañalos a aula.
Recomendamos que vaian traendo o material escolar pouco a pouco, para non sobrecargar as mochilas.
XUNTANZAS INICIO CURSO
MATERIAIS DE AULA
LIBROS DE TEXTO
A listaxe publicada en xuño é co que se traballará este curso.
PLANO DO CENTRO
Esta será a distribución das aulas do alumnado de primaria para este curso.
Tamén poden facer unha visita 360º.
