Category Archives: AL
Cousiñas de abril e chegando maio
Rematando o mes de abril deíxovos algunhas fotos das actividades que andivemos a facer na aula de AL.
O Tangram , é unha ferramenta moi versátil que nos axuda a traballar moitos aspectos. Neste caso ,estivemos a promover a creatividade, potenciar a coordinación motora e como non a mellorar o razonamento e pensamento lóxico, pensamento abstracto e a resolución de problemas. Como especialista recoméndovolo para usar na casa e xogar en familia,posto que é recomendado ata os 99 anos 🙂 .
Esta semana pasada, marchou a nosa alumna de prácticas Vane coa que o alumnado estivo moi contento ,pois se implicaba moito e foi moi cariñosa. Aquí podémola ver traballando nunha sesión de AL de infantil e alumnado TEA onde trata de potenciar a motricidade fina, coordinación mano-ollo e o inicio da grafía das letras.
Polo Día do Libro somos Detectives e tiramos do recurso dunhas compañeiras e fixemos de detectives mediante a comprensión lectora. Foi unha actividade que lles gustou moito, pois tiñan que ir seguindo as pistas e enganos buscando ao ladrón entre seis sospeitosos. Toda esta tarefa require de esforzo mental, traballo de razoamento, planificación, organización dos datos, comprensión lectora e ….. INTUICIÓN!! pois non é todo o que parece.
E que me dicides da actividade magnífica de Diverlexia » Metodo Diverlexia» realizada por unha alumna ? A verdade, pareceume moi creativa a asociación que encontrou entre os grafemas ( letras) e unha posible representación , mediante un debuxo que posteriormente o convertirá na súa percepción mental cada vez que teña que recordar como se escribe dita letra. Para que o entendades mellor… cando quera saber como se escribe VER recordará o debuxo da nena cunha V sinalando os ollos e non dará lugar a erro na escritura.
Kamishibai: Ademais do alumnado de 6º uníronse o grupo de 1 para traballar co Kamishibai pero… sabedes que é un Kamishibai? Pois é unha forma tradicional xaponesa de contar historias combinando as imaxes ou debuxos con narración oral «teatro de papel». Hoxe en día utilízase nas escolas, bibliotecas e outros para contar historias, promover a alfabetización e favorecer a arte. Este Kamishibai coñecido como » Kamishibai do hospital, pilulas para un mundo mellor» é obra de Marta Pena Area @martapenaarea , Pilar Porta @porta_pilar e ilustracións de Gabriel Dominguez, os cales fixeron realidade este proxecto gracias ao apoio da Secretaria Xeral de Política Lingüística. Ahí vos deixo algunhas das imaxes do gran traballo feito polo alumnado de 1º e o apoio da profe Lucía que sempre está disposta a facer cousiñas molonas.
E por último o traballo de lectura global combinado coa conciencia fonolóxica a tope para incidir nas dificultades do Principio Alfabético. Neste punto elaborei unha chea de palabras sinxelas do voculario habitual de neno e un xogo de imaxes para asocialas posteriormente.
Despídome de vos desexando unha boa entrada no mes de maio, o meu mes favorito , cunha frase: «Que en maio, cada día sexa unha aventura chea de risas e descubrimentos, onde os soños voen alto coma cometas e a imaxinación sexa a tua mellor compañeira de xogos»
Chegou a Primavera o tempo das flores!
Boas familias , nesta entrada imos compartir algunhas cousiñas que quedaron pendentes antes das vacacións da Pascua, xunto con outras novas.
En primeiro lugar, gustaríame compartir unhas imaxes dun contacontos que fixo unha alumna da aula de AL co alumnado de 2º Primaria.
O traballo cos contacontos é moi recomendable, posto que fomenta o desenvolvemento da lectoescritura, axuda a espertar o interese pola lectura, aumenta o vocabulario, mellora a comprensión lectora , transmite cultura, estimula o pensamento creativo levando aos ointes a mundos imaxinarios e desenvolve as habilidades comunicativas . É por iso, que decidimos dende a aula de AL , participar con este proxecto dunha das titoras de 4º e levalo a cabo nos 2ºs cursos debido aos seus beneficios para co alumnado ointe así como para a alumna que vai facer a interpretación do mesmo. Durante as sesións de AL pasámolo ben acabando de decorar e preparando a exposición do mesmo. Ahí van algunhas fotos!
Por outro lado, gustaríame destacar o gran traballo que fixo o alumnado de 6ºA xunto coa profe Susana co Kamishibai coa idea de crear alianzas e traballar xuntos na procura dun mundo sostible. Pero… sabedes qué é un Kamishibai? Pois é unha forma tradicional xaponesa de contar historias combinando as imaxes ou debuxos con narración oral «teatro de papel». Hoxe en día utilízase nas escolas, bibliotecas e outros para contar historias, promover a alfabetización e favorecer a arte.
Este Kamishibai coñecido como » Kamishibai do hospital, pilulas para un mundo mellor» é obra de Marta Pena Area , Pilar Porta e ilustracións de Gabriel Dominguez, os cales fixeron realidade este proxecto gracias ao apoio da Secretaria Xeral de Política Lingüística. Ahí vos deixo algunhas das imaxes do gran traballo feito polo alumnado.
Coma fin da entrada de hoxe , compártovos algunhas fotos do traballo de articulación co Speechify para corrixir a articulación inadecuada do fonema rótico /r/ e algún exercicio de conciencia fonolóxica ( conciencia fonémica- xogando cos sons e as palabras auditivamente).
Marcha Febreiro
Boas familias, hoxe vou compartir con vos algunhas das cousas que facemos coma sempre na aula de AL nas intervencións. Na primeira foto, podedes observar o traballo do recoñecemento das emocións e expresións faciais co alumnado con TEA, posto que experimentan certa dificultade para manexar e recoñecer expresións emocionais as cales son tan importantes no proceso da comunicativo social.
Na segunda foto , estamos a presentar o recoñecemento dos grafemas e o seu correspondente fonema e a relación cunha palabra . ( acercándonos ao principio alfabético).
Na terceira imaxe , aparecen uns libros que particularmente gústanme e que por iso collín un carro deles 🙂 .
Están escritos en maiúsculas , rimados ( para traballar as rimas e conciencia fonolóxica) e teñen certas palabras en cor diferente ( palabras novas, sustantivos, etc). Estos libros están moi chulos para usar co alumnado que presenta dificultades na lectura xa que así, pódense amosar as letras cos distintos alógrafos» traxes » que posúen. Ademáis , como sabedes , nos primeiros cursos da primaria están máis cómodos neste formato. Os libros chámanse Escuela de Monstruos ,tratan temas superdivertidos e chistosos para os cativos/as e son da Editorial Montena.
Na penúltima foto estamos a traballar con alumnado con a chamada «dislexia» ou Trastorno específico da Aprendizaxe. Unha das dificultades que encontra este alumnado é a entonación e a marca do golpe de voz nas palabras o cal posteriormente conleva dificultades na identificación da acentuación entre «agudas, graves e esdrúxulas». Con esta actividade de Diverlexia estamos facendo un percorrido dende o comezo das dificultades para ir avanzando pouco a pouco. A ver se para a vindeira semana subo uns videos.
Na derraideira foto estamos a respirar e a intentar levar unha cadencia e un control da entrada e saída do aire para obter moitos beneficios ( mellora da saúde, estar máis tranquilo, mellora da articulación, control y relación entre respiración e fonación, etc.). Para iso estivemos a facer exercicios de respiración como xa mostrei outras veces e tamen xogamos con globos e pompeiros para divertilo un pouquiño. Eso si o alumno , quedou mou relaxado!!
Bo fin de mes e vémonos en vindeiras entradas!
Chega o Nadal!
Boas Familias,, antes de chegar as festas gustaríame compartir con vos algunhas das tarefas feitas neste mes, e algúns consellos sobre o chamado RSL ( Retraso Simple da Linguaxe ). Durante decembro, fixemos tarefas variadas para rematar o trimestre entre as que destacan as seguintes como podedes ver nas fotos adxuntadas :
1 ) Conciencia fonolóxica xogando a : que son é o comezo da imaxe ? . Esta actividade e das máis importantes na Educación Infantil coma requisito previo da lectoescritura , posto que estamos a traballar a conciencia fonolóxica e os sons que inclúen as palabras antes de pasar as grafías e a linguaxe escrita.
2 ) Principio Alfabético e Velocidade de denominación : Nesta actividade afianzamos a conversión fonema e grafema e traballamos a velocidade de identificación anotando os tempos e melloras. Sempre comezamos por vocales e posteriormente por grafías traballadas no orden que seguen na aula ordinaria.
3 ) Lectoescritura e grafía: Traballo de vocabulario e grafía mediante elementos multisensoriais como bolígrafos de metacrilato e mesa de luz.
4) Organización de morfosintaxis mediante el PROLÉXICO.: Elaboración de frases e oracións.
5) Tarxetas dos desexos do Nadal que o alumnado levará a casa para colgar na árbore.
Unha vez comentadas algunhas das actividades do mes, gustaríame farlarvos de maneira moi breve sobre o RSL e a súa importancia. O Retraso Simple da Linguaxe caracterízase por un retraso na linguaxe e unha evolución non acorde ao que lle corresponde por idade. Este RSL afecta a todas as áreas e conleva unha evolución máis lenta sen consideralo un trastorno ou patoloxía. O interesante do RSL é que case non ten repercusión sobre a aprendizaxe da linguaxe escrita .
¿ Cómo familias como podedes detectalo ? Ollo! : linguaxe un ano o máis tarde do normal por idade, dificultades na expresión e na fala máis que na comprensión e dificultades para emitir sons .
Consello: Detectalo canto antes posto que mellora moitísimo a súa competencia lingüística cunha boa intervención . Tamén e moi necesario falar e xogar o máximo posible cos fillos/as con verbas, cancións, xogos da fala, contos e outros , reducindo o máximo posible o uso de pantallas.
Novembro…
Bo día ! Este mes de novembro ,tivemos bastantes actividades polas datas celebradas como o Samaín e o Magosto, por iso estiven sen subir fotos das tarefas feitas. Facendo un pequeno recopilatorio, hoxe gustaráime falarvos da respiración e da súa importancia na fonación e na relaxación das crianzas. Aprender a respirar ben é unha tarefa que non parece ter moito interese pero que axuda a que non aparezan trastornos da voz. Temos que ser conscientes que a voz é o noso instrumento de traballo, relacións e comunicación en moitos casos. Observando a moito alumnado, vese que presentan unha respiración invertida (no que o abdomen se contrae ao respirar e o contrario ao espirar) ou realizan movementos desproporciados sen control. Pois ben , por todo iso, na aula de AL tamén traballamos a respiración co noso alumnado para regular o aire, conseguir coordinación entre a respiración e a fonación, relaxar a musculatura, alargar as fonacións e outros. Algún dos xogos e exercicios que levo a cabo son : o xogo de » teño un globo na miña barriga » e » a Tartaruga e o león». Todos estos xogos, son levados a cabo nun ambiente tranquilo , sen luz e con música para favorecer a relaxación total do alumnado. Pouco a pouco , e mediante a práctica aprenderán a regular a respiración que tanto inflúe na fala e na coordinación respiración-emisión.
Para rematar, gustaríame engadir que é moi importante ensinarlle os nenos/as a importancia da respiración e da voz e do cuidado da mesma. Aquí vos deixo algúns consellos que vos poden axudar como familias no cuidado da voz:
Evitar comidas e bebidas moi quentes ou frías, evitar cambios de temperatura bruscos, non forzar a voz, reducir o carraspeo seguido, evitar respirar sempre pola boca, non elevar o tono, non chillar ou gritar no parque o nos xogos, facer respiracións e relaxación, hidratarse con moita auga, descansar a voz , facer gárgaras, etc. Espero que vos sirvan e sexan de axuda sobre todo agora que se achega o inverno. Saúdos e bo domingo! ( A maiores colgo algunhas fotos doutras actividades feitas de articulación, conciencia fonolóxica, morfosintaxe, etc.)
Rematamos outubro e chea novembro o mes do Samaín e as castañas!
Boas familias! Durante estos días estiven a traballar algo de Samaín , pero non é ata a semana cando nos poremos a tope co tema e actividades relacionadas. Polo demáis como vedes nas fotos estivemos a xogar coas imaxes terroríficas e aprender vocabulario para posteriormente facer oracións ( non frases ) . Cando fago esta actividade co alumnado intento eliminar o verbo » ser ou estar» posto que a maioría so recurren a ditos verbos. ( Non vexades como lles custa cando bloqueo esos verbos ; ( ). Como vedes , traballamos a sílaba tónica e a acentuación mediante «minichuletas- visuais feitas» que lles serven de apoio nun principio ata que as van interiorizando ( créedeme que funcionan e é mellor deixarllas nun principio e logo ir eliminandoas pouco a pouco). A sílaba tónica parece unha chorrada pero é moi interesante , posto que nos permite marcar a entonación e golpe da palabra para pronunciala na lectura e identificar a sílaba forte para logo saber onde vai a acentuación . Vamos… que a sílaba tónica , parece unha actividade sinxela pero nada diso xa que moito alumnado con dificultades na linguaxe non a distinguen. Así que un bo exercicio nos tempos mortos do coche ou na casa, é xogar a marcar a sílaba tónica, separar sílabas ou xogar ás rimas posto que todo iso contribúe a conciencia fonolóxica tan importante na linguaxe e nas bases da lectoescritura. A maiores con algún do alumnado de infantil estivemos a adquirir novo vocabulario básico do seu día a día e a categorizar por cores ou familias léxicas. Como vedes na última imaxe , este ano teño unha nova mano-mickey-antena guía e non vexades o que lles gusta utilizala como se eles mismos foran os docentes ( comentoo porque a veredes aparecer en varias fotos para sinalar, marcar ritmos, marcas os fonemas, sinalar partes na boca , etc.) . Saúdos terroríficos e vémonos a semana seguinte co Samaín!
Outubro en AL
Boas familias! Hoxe deíxovos algunhas fotos das actividades que estamos a facer na aula de AL e unha breve explicación das mesmas: Coma xa comentei en entradas anteriores , a casa témola que facer con bos cimentos , polo que dende moi pequenos hai que traballar a linguaxe oral e o manexo da mesma sen as letras escritas. Ao final de todo este proceso chamado » traballo de Conciencia fonolóxica» e das chamadas » habilidades metalinguísticas » chega o Principio Alfabético ( Ed. Primaria) onde si se produce unha asociación de cada son a una letra para poder iniciarse no proceso lectoescritor . Pos ben, dito este breve aclaración vos deixo algunhas actividades de conciencia fonolóxica e Principio Alfabético :
Conciencia Fonolóxica e habilidades metalinguísticas: Buscar en imaxes dadas , aquelas que comenzan por un determinado son ou fonema ( buscamos imaxes que comezan por b , p , s , etc). Tamén traballamos as famosas rimas que tanto lles custan, mediante debuxos e asociacións por cores para obter maior facilidade á hora de buscar a rima parecida.
Comezos do Principio Alfabético: Coa mesa de luz e coas pinzas e letras estámonos adentrando ao Principio Alfabético facendo un inicio á conversión fonema -grafema, e un bo afianzamento da identificación e recoñecemento das letras sen escribilas a través de métodos multisensoriais. Sen dúbida a mesa de luz, é un material que triunfa moito co alumnado pola variedade de actividades que permite e o que lles chama a atención. A que sería un bo regalo no Nadal…? Hoxe tedes mesas de luz o paneis moi económicos en tendas online, supermercados que venden xogos ou outros pero… qué tal a fabricación propia un fin de semana chuvioso na casa? Ahí vai un enlace: https://www.youtube.com/watch?v=sNDL8_f4CU8
Por outro lado, nas sesións de infantil estivemos a traballar os prerrequisitos da linguaxe e motricidade mediante os punzóns-picado e a identificación de animáis en sombras ( xogando cos son ás onomatopeias) ou figuras de conceptos básicos como as formas xeométricas. Ahí van algunhas fotos. Saúdos e ata a vindeira entrada.
A importancia da Conciencia Léxica .
O proceso lectoescritor é unha tarefa complexa que require dun traballo en varias aspectos. Tanto os sons coma as letras , unidades mínimas sen significado, conlevan dificultade polo que é necesario un traballo da conciencia léxica, silábica e fonémica. A conciencia léxica é a primeira área a traballar dentro da chamada conciencia fonolóxica. É o contacto directo coas palabras coma un todo ou parte dunha oración para posteriormente poder analizar e profundizar máis minuciosamente. O desenvolvemento desde habilidade é necesario dende infantil para así ir podendo diferenciar as palabras contido ( palabras con significado) das palabras función( conectores) o cal evitará posibles erros de unións, fragmentacións, adicións e outros na escritura. Hoxe vos deixo un exercicio para traballar a conciencia léxica. Neste caso en concreto estase a traballar con alumnado con dificultades de aprendizaxe e trastorno lectoescritor polo cal seguen a ter a dificultade en cursos superiores. Unha maneira de facelo máis práctica e que o exercicio o interioricen por varias vías multisensoriais.
O TDAH ( Trastorno por Décifit de Atención con e sen Hiperactividade ) e as dificultades na linguaxe.
Hoxe imos a falar un pouco sobre o TDAH. Pero… Qué e o TDAH? Pois o TDAH é un trastorno do neurodesenvolvemento e orixe neurobiolóxico que presenta un patrón que persiste de inatención e/ou hiperactividade e impulsividade que inferfiren na vida do neno/a. É importante saber que o trastorno iníciase na infancia , segue na adolescencia e perdura na idade adulta polo que vai a acompañar a persoa no seu proceso vital. Os comportamentos do TDAH deben de darse en dous ambientes para poder ser diagnosticado ( casa, familia, escola, sociedade, etc) polo que é necesario facer unha boa avaliación e estar ben atent@s . A presenza do TDAH non ten porque conlevar erros na linguaxe pero se ben é certo que hai un gran número de alumnado que amosa dificultades na adquisición da linguaxe, na morfoloxía , na conciencia fonolóxica , na pragmática como uso social e na comprensión e expresión oral e escrita. Por todo isto, algún alumnado con TDAH acude a aula de AL para traballar estas dificultades xunto cos erros ortográficos e de comprensión provocados pola impulsividade e falta de atención. Algunhas actividades para poder mellorar poden ser as seguintes: Citar palabas que comecen por una fonema determinado, palabras encadenadas, crear oracións con sentido con recortes de periódicos, role playing sobre situacións sociais, contar historias e facer preguntas, etc. Ahí vos deixo algunha imaxe de actividades feitas con alumnado con TDAH e afectación da linguaxe.
