Category Archives: Dinamización
Letras Galegas 20024: Luísa Villalta
Arrincamos a semana das Letras Galegas co esbozo biográfico da escritora homenaxeada o próximo 17 de maio, con motivo da celebración do Día das Letras Galegas 2024: Luísa Villalta.
A estación Onda nós nunca pasan os trens, So chegan ou parten. Por iso tamén somos nós a nosa última estación o noso amor definitivo. … Onde nós non hai nunca outro destino que ser un anónimo fin ou un glorioso comezo. Máis alá máis alá somente o mar e a incertidume da luz o extremo o abismo o espello detido en nós.
Luísa Villalta Gómez nace en A Coruña en 1957. Licenciada en filoloxía, a súa vida profesional ligouse á docencia en varios institutos, destacando tamén no eido da música, ao formar parte como violinista da Orquestra de Santiago de Compostela ou da Xove Orquestra de Galicia. Dunha intensa actividade cultural, participou en seminarios, recitais, e colaborou en revistas como A Nosa Terra, Grial ou Trabe de Ouro, entre outras, sendo compilados algúns dos seus artigos no Libro das colunas, de 2005, despois xa do seu falecemento, en 2004, á temperá idade de 46 anos, a causa dunha menixite. Os seus restos descansan no cemiterio de Santo Amaro de A Coruña.
Cultivou diversos xéneros, poesía, teatro, narrativa e ensaio, participando tamén en traducións e obras colectivas. A súa poesía é intimista, á vez que comprometida e feminista, e está salpicada de múltiples referencias ambientais e sobre a súa cidade, A Coruña. Aprézanse na autora trazos que a aproximan ortográficamente ao galego reintegracionista de mínimos. Entre os seus recoñecementos figuran o levar o seu nome unha rúa da cidade de A Coruña, premios da Universidade e Deputación de A Coruña, a biblioteca o IES Isaac Díaz Pardo de Sada, ou o dedicarlle o Día das Letras Galegas deste ano 2024. En 2003 recibiu o premio Espiral Maior.
Como homenaxe á súa figura, rematamos con esta dedicatoria aparecida en elDiario.es en 2023: “Luísa Villalta, a poeta que escribiu a cidade en tinta de mar”.
Coas mans na terra
O escultor Francisco Asorey (Cambados, Pontevedra, 1889- Santiago de Compostela, 1961) foi o artista homenaxeado no Día das Artes Galegas 2024. A súa formación transcorre en Barcelona e en Bilbao onde realiza os seus estudos e primeiras obras, nas cales se perceben as influencias de Rodin e Bourdelle. O seu regreso a Galicia permitiralle afondar no seu gusto polo románico compostelán, deixando na súa obra unha pegada permanente. Escultor realista, os seus mellores logros son unha serie de tallas policromadas centradas na muller, realizadas entre 1920 e 1926, como «Naiciña», «O Tesouro» ou «Ofrenda a San Ramón».
Os cativos e as cativas do noso centro, en sintonía co proxecto “Flora e Fauna” promovido pola Biblioteca municipal e as bibliotecas escolares dos centros boirenses, quixemos emular as figuras das mulleres aldeás representadas por Asorey, vestidas con traxes de festa, coas súas xoias e panos, mediante a modelaxe e decoración de coloridos testos que engalanan esta primavera algúns dos nosos espazos exteriores e corredores lembrándonos a importancia da natureza e o contacto coa terra.
OS NOSOS APELIDOS
Como remate deste curso 2021-2022 o EDLG seguindo a estela do curso anterior co estudo dos nomes volta cun proxecto máis ambicioso coa edición dun libro sobre a etimoloxía, uso e expansión dos apelidos que nos encontramos no centro.
https://drive.google.com/file/d/1nvTpAuxyYBaNU1R5ZnmsuquDz2UFvD1f/view?usp=sharing
Feliz verán e voltaremos o vindeiro curso con novos proxectos!!!!
A emigración, as nosas historias…
Xa temos en marcha a exposición cos traballos que nos enviáchedes das vosas familias e achegados.
MOITAS GRACIAS
Día de Rosalía, 23F
Vídeo resumo das actividades realizadas:
INFANTIL
Diversas caricaturas de Rosalía de Castro.
PRIMEIRO
Fixemos unha canción cun poema de Rosalía.
SEGUNDO
TERCEIRO
Decoración de pensamentos coa cara de Rosalía como foco central nos que aparecen palabras/versos dos seus poemas.
CUARTO
Recompilación de fotos e historias sobre a emigración, tema moi recurrente na obra de Rosalía. Realizarase unha exposición con este material na Romaría das Letras Galegas en maio.
QUINTO; poema musicalizado de Rosalía «O Craustro»
SEXTO
Poemas ao estilo e temáticas de Rosalía escritas polo alumnado de sexto.
https://drive.google.com/file/d/13lsNNLXU0MCMo9mN5yjqaC5v81sa-Ub5/view?usp=sharing
RECURSOS LETRAS GALEGAS 2021
Actividade letras galegas 2020
Prezadas familias:
De cara a celebración das Letras Galegas dende o EDLG propoñemos a seguinte
actividade conxunta: BAIAVIEIRO NO MAIO DE CARVALHO, para a que contamos coa
implicación de todos vós, alumnado e familias.
Tendo en conta as circunstancias especiais nas que nos atopamos e partindo do
título dunha obra do autor homenaxeado este ano pola RAG, «Vieiros»
de Ricardo Carvalho Calero, dende o Equipo de Dinamización da Lingua Galega do
colexio suxerimos crear un vieiro moi especial. Sería un mosaico de sentimentos
e emocións en positivo, de palabras bonitas que nos axuden a manter a esperanza
e sobrelevar esta situación de confinamento ocasionada pola pandemia, ata que
recuperemos a «normalidade».
Cada nena ou neno debe elixir unha palabra positiva, esperanzadora, unha
palabra bonita, de ánimo… (cadaquén ao seu nivel) que exprese un sentimento
ou unha emoción (pode cooperar a familia ) e plasmala nun papel de xeito
artístico e libre. Unha vez rematada a tarefa, faralle unha foto, na que posará
o autor ou autora do traballo xunto co adulto/a que lle axudou a realizala –se
for o caso e así o desexa-, procurando que a palabra elixida sexa ben visible.
Cada neno/a deberá enviar a foto ao seguinte enderezo de correo
electrónico: santabaiaceip@gmail.com, e indicar neste o curso,
grupo e etapa na que está escolarizado/a (por exemplo, 5º B de Infantil). O prazo límite para achegala será o 8 de maio
(incluído). Por cuestións organizativas, non se admitirán aquelas imaxes que
cheguen con posterioridade a esta data. Con todas as fotos faremos unha montaxe
na que participará todo o alumnado do centro –do que dispoñamos de autorización de imaxe- para colgar
na web.
Con todas as fotos faremos unha montaxe na que participará
todo o alumnado do centro –do que dispoñamos de autorización de imaxe-
para colgar na web.
PD: Recoméndase ao alumnado que non se desfaga dese
traballo por se se lle puidera dar outra finalidade didáctica nun futuro.
Moitas grazas polo voso esforzo e recibide un cordial saúdo.
O Equipo de Dinamización de Lingua Galega
Colaboración co IES Antonio Fraguas
No presente curso 2018-2019, a comunidade educativa do IES Antonio Fraguas Fraguas, síntese especialmente afortunada ca celebración do Día das Letras Galegas, pois honrará ao insigne antropólogo, historiador e galeguista que dá nome a este centro.
Por esta razón, decidimos crear esta proposta de MailArt, aberta á participación xa non só de toda a comunidade educativa do país, senón a calquera que se anime a compartir as súas creacións artísticas con nós. Todas elas iranse publicando no blog específico do proxecto: https://fraguasmail.art.blog/ así como en diferentes redes sociais, para acabar sendo obxecto tamén, dunha exposición pública que se desenvolverá en Santiago de Compostela a partir do mes de marzo –se ben se está estudando a posibilidade de levala a outros emprazamentos-.
En que consiste esta convocatoria aberta de MailArt? Basicamente, na creación de obras artísticas de pequeno formato, realizadas coa mais absoluta liberdade creadora, e atendendo só a unha premisa, que teña como fío condutor o Patrimonio Cultural, folclore e tradicións, de xeito que nos permita render unha especial homenaxe ao noso protagonista do Día das Letras Galegas 2019, don Antonio Fraguas Fraguas.
CLICA NO SEGUINTE ENLACE PARA TODA A INFORMACIÓN:
https://santabaia.es/wp-content/uploads/2019/01/Lola2.pdf
Animádevos a participar xunto co voso alumnado!
Agradecemos a vosa atención.
Saúdos. Equipo Fraguas Mail Art
@fraguasmailart
Santiago de Compostela, 16 de xaneiro de 2019
I.E.S. «Antonio Fraguas Fraguas»
Rúa de Londres 10. Santiago de Compostela 15707 A Coruña
Tfno 981 588498//Fax 981 588254
ies.antonio.fraguas@edu.xunta.es
http://www.edu.xunta.es/centros/iesantoniofraguas/
