Category Archives: DEPT. ORIENTACIÓN
Becas NEAE 2021-22
Desde o 3 de agosto e ata o 30 de setembro está aberto o prazo para solicitar as becas e axudas do ministerio de educación para o alumnado NEAE.
«O mundo máxico de Antón»
A madrugada do 2 de abril, o cole iluminouse de azul para celebrar o Día Mundial de Concienciación do Autismo.
Non existindo no presente curso a posibilidade doutro tipo de celebración, é polo que o Departamento de Orientación do centro pensou en aproveitar a oportunidade de contar, desde esta semana e ata finais de curso, coa exposición de debuxos de Antón Romero Piñeiro, un pequeno ilustrador con Trastorno do Espectro Autista (TEA) que nos amosa o seu mundo máxico a través de cada unha das súas representacións.
Os Resentidos, mítica banda galega de música pop e rock, incluíu nalgún vídeo clip do seu último traballo, Organización Nautilus, os debuxos realizados por Antón, representada unha mostra destes no seguinte vídeo:
Outro día máis sen ir ao mar
Nautilus
A xustiza pola man
Desde o Departamento de Orientación propoñemos a cada escolar do centro a oportunidade de descubrir a súa maxia e facernos partícipes desta nun espazo reservado para ese fin dentro da exposición “O mundo máxico de Antón”.
Día da Concienciación Mundial do Autismo
Con esta imaxe do noso cole iluminado de azul, rematábamos o curso pasado a celebración do Día de concienciación Mundial do Autismo.
Foi un día distinto no cole, todo o alumnado, os docentes e as familias que puideron acompañarnos, experimentaron das diversas actividades que, repartidas por estacións, nos serviron para concienciar sobre as necesidades e características do alumnado TEA. O seguinte vídeo é unha pequena mostra do vivido aquel día:
Para o presente curso, desde o Departamento de Orientación organizamos unha xornada para celebrar esta conmemoración, pero finalmente non será posible o seu desenvolvemento. Sen embargo, si queremos sumarnos ás iniciativas que desde distintas asociacións nos propoñen para a xornada do 2 de abril, facéndovos partícipes dalgunha das súas propostas:
Se vos apetece participar desta proposta, estaríamos encantadas de recibir ás vosas fotos unha vez poidamos retomar a actividade normalizada no cole.
Para ocupar o tempo do confinamento, compartimos con vos uns enlaces de vídeos que ben nos poden axudar a entender o Trastorno do Espectro Autista (TEA):
- “CAILLOU”
- “ACADEMIA DE ESPECIALISTAS”
- “HERMANITO DE LA LUNA”
- “EL VIAJE DE MARÍA”
- “FLOAT”
Por último, gustaríanos transmitir unha mensaxe. Sabemos que son días moi raros e estraños, somos conscientes de que o confinamento nas casas resulta moi difícil para a nosa rapazada, pero máis difícil resulta para aquelas persoas que empregan os paseos para regular a súa ansiedade, que precisan saír á rúa porque non chegan a entender o porque do cambio nas súas rutinas, saír porque o encerro e a incomprensión son motivo de conductas disruptivas,…, por isto pedimos desde aquí o respecto para todas aquelas persoas que nestes días deciden saír á rúa, o seu motivo teñen.
Os Besbellos
https://osbesbellos.blogspot.com/
Blog dunha orientadora que nos axuda a pasar estes días de confinamento.
SAÚDOS
As persoas con TEA poderán saír á rúa acompañadas
Para o tempo que dure o estado de alarma, o Ministerio de Sanidade, a través da Instrución que se achega a continuación, establece uns criterios interpretativos conforme aos que, as persoas con TEA poderán saír á rúa, sempre acompañados e só en casos estritamente necesarios.
#euficonacasa
#somosResponsables
#somosTEA
DÍA DA CONCIENCIACIÓN MUNDIAL SOBRE O AUTISMO
A xornada do martes resultou moi novidosa e satisfactoria para toda a comunidade educativa. Ademais da importancia de cara a INCLUSIÓN, DIVERSIDADE e VISIBILIDADE da que falaba (minuto 0:35 a 0:50) o actor Jesús Vidal, ao recoller o Goya pola súa participación en “Campeóns”https://www.youtube.com/watch?v=hq0Kpm7yvfM, case 5 minutos de sinxelas e sinceras palabrassobre a diversidade.
Volvendo á nosa xornada… a actividade dou comezo ás 9:40 e tras visitar cada unha das estacións preparadas rematou ás 12:55, facendo unha pausa durante o recreo.No seguinte vídeo deixase de manifesto o que dou de si a xornada:
2 de abril, día do autismo
O próximo martes, realizaremos unha xornada para a concienciación sobre a vida das persoas con autismo. Entre outras actividades, terán a oportunidade de compartir con nós un rato no Centro(de 10:00 a 11:00h). Se queren participar, teñen que persoarse na aula de música ás 9:45h.
Neste enlace poden ver un resumo de todas as actividades
NON SE ESQUENZAN DE VESTIR DE AZUL!!!!! A cor que se institucionalizou para dar visibilidade ao autismo.
No centro (e na vida) convivimos con persoas con autismo. Intentar poñernos na súa pel, pode axudanos a comprendelos mellor.
Sube o volume do teu reproductor todo o que poidas, para que sexa unha experiencia más cercana.
