Category Archives: EDLG
Letras galegas
Adentrámonos no mes de maio, o noso mes, o mes dxs galegxs.
Como cada ano, celebramos que a nosa terra ten lingua propia e emprendemos unha viaxe que nos permite coñecer aqueles trazos culturais que nos caracterizan.
Este ano adícaselle a semana das letras galegas ao autor: Ricardo Carvalho Calero, un home que dende neno amosou a súa paixón pola literatura e que, a medida que foi medrando, foi creando os seus propios vieiros. Vieiros cos que chegar aos recantos do mundo enteiro.
Por este motivo, dende o CEIP Santa Baia, este ano queremos facer o noso propio vieiro. Un vieiro formado por todas aquelas verbas fermosas que o alumnado e as súas familias nos fixeron chegar… MOITAS GRACIAS!
Actividade letras galegas 2020
Prezadas familias:
De cara a celebración das Letras Galegas dende o EDLG propoñemos a seguinte
actividade conxunta: BAIAVIEIRO NO MAIO DE CARVALHO, para a que contamos coa
implicación de todos vós, alumnado e familias.
Tendo en conta as circunstancias especiais nas que nos atopamos e partindo do
título dunha obra do autor homenaxeado este ano pola RAG, «Vieiros»
de Ricardo Carvalho Calero, dende o Equipo de Dinamización da Lingua Galega do
colexio suxerimos crear un vieiro moi especial. Sería un mosaico de sentimentos
e emocións en positivo, de palabras bonitas que nos axuden a manter a esperanza
e sobrelevar esta situación de confinamento ocasionada pola pandemia, ata que
recuperemos a «normalidade».
Cada nena ou neno debe elixir unha palabra positiva, esperanzadora, unha
palabra bonita, de ánimo… (cadaquén ao seu nivel) que exprese un sentimento
ou unha emoción (pode cooperar a familia ) e plasmala nun papel de xeito
artístico e libre. Unha vez rematada a tarefa, faralle unha foto, na que posará
o autor ou autora do traballo xunto co adulto/a que lle axudou a realizala –se
for o caso e así o desexa-, procurando que a palabra elixida sexa ben visible.
Cada neno/a deberá enviar a foto ao seguinte enderezo de correo
electrónico: santabaiaceip@gmail.com, e indicar neste o curso,
grupo e etapa na que está escolarizado/a (por exemplo, 5º B de Infantil). O prazo límite para achegala será o 8 de maio
(incluído). Por cuestións organizativas, non se admitirán aquelas imaxes que
cheguen con posterioridade a esta data. Con todas as fotos faremos unha montaxe
na que participará todo o alumnado do centro –do que dispoñamos de autorización de imaxe- para colgar
na web.
Con todas as fotos faremos unha montaxe na que participará
todo o alumnado do centro –do que dispoñamos de autorización de imaxe-
para colgar na web.
PD: Recoméndase ao alumnado que non se desfaga dese
traballo por se se lle puidera dar outra finalidade didáctica nun futuro.
Moitas grazas polo voso esforzo e recibide un cordial saúdo.
O Equipo de Dinamización de Lingua Galega
LETRAS GALEGAS 19
13-16 de maio
Luns 13
Photocall
Martes 14
Romaría: oficios tradicionais con colaboradores experimentados e chocolate con churros para a parva.
Mércores 15
Palabras no mural
Photocall
Xoves 16
Concerto da Banda Xuvenil de Boiro e Baia Rock Band
Na aula de música…
9:50h: Infantil.
10:40h: 1º,2º e 3º de primaria.
12:10h; 4º, 5º e 6º de primaria.
Colaboración co IES Antonio Fraguas
No presente curso 2018-2019, a comunidade educativa do IES Antonio Fraguas Fraguas, síntese especialmente afortunada ca celebración do Día das Letras Galegas, pois honrará ao insigne antropólogo, historiador e galeguista que dá nome a este centro.
Por esta razón, decidimos crear esta proposta de MailArt, aberta á participación xa non só de toda a comunidade educativa do país, senón a calquera que se anime a compartir as súas creacións artísticas con nós. Todas elas iranse publicando no blog específico do proxecto: https://fraguasmail.art.blog/ así como en diferentes redes sociais, para acabar sendo obxecto tamén, dunha exposición pública que se desenvolverá en Santiago de Compostela a partir do mes de marzo –se ben se está estudando a posibilidade de levala a outros emprazamentos-.
En que consiste esta convocatoria aberta de MailArt? Basicamente, na creación de obras artísticas de pequeno formato, realizadas coa mais absoluta liberdade creadora, e atendendo só a unha premisa, que teña como fío condutor o Patrimonio Cultural, folclore e tradicións, de xeito que nos permita render unha especial homenaxe ao noso protagonista do Día das Letras Galegas 2019, don Antonio Fraguas Fraguas.
CLICA NO SEGUINTE ENLACE PARA TODA A INFORMACIÓN:
https://santabaia.es/wp-content/uploads/2019/01/Lola2.pdf
Animádevos a participar xunto co voso alumnado!
Agradecemos a vosa atención.
Saúdos. Equipo Fraguas Mail Art
@fraguasmailart
Santiago de Compostela, 16 de xaneiro de 2019
I.E.S. «Antonio Fraguas Fraguas»
Rúa de Londres 10. Santiago de Compostela 15707 A Coruña
Tfno 981 588498//Fax 981 588254
ies.antonio.fraguas@edu.xunta.es
http://www.edu.xunta.es/centros/iesantoniofraguas/
24 DE FEBREIRO, DÍA DE ROSALÍA DE CASTRO
Co gallo da celebración do día de Rosalía de Castro, traballáronse nas aulas diferentes aspectos da vida e obra da autora. Cada grupo elaborou un traballo en formato cómic que forma parte da exposición situada na entrada do colexio.
