Category Archives: EXTRAESCOLARES
Desfile entroido… 28F
Celebraremos en conxunto co CEIP Praia Xardín e coa colaboración do concello (Policía Local e Protección Civil) o desfile ás 10:45h.
Ao remate, o alumnado realizará a degustación de produtos típicos que aporten as familias.
Obradoiro de percusión para nais e pais do centro
O vindeiro martes 25 de febreiro ás 17:00h na aula de música do centro, poden participar nun obradoiro de percusión orientado a nais, pais e docentes que queiran participar (número máximo 30 persoas).
Só teñen que chamar (881866590) ou enviar un correo (ceip.santabaia@edu.xunta.gal) para realizar a reserva de praza antes do venres 21. Os 30 primeiros que vos apuntedes participarán gratuitamente desta actividade.
De non completar aforo con adultos, poden participar co seu fillo/a de segundo ou terceiro ciclo (máis pequenos terían dificultade de seguir o obradoiro). Indiquen no correo ou na chamada que lles gustaría (avisariamolos telefonicamente de ser posible asistir co/a alumno/a).
Entroido 2025
Actividades previstas!
Durante as semanas previas estaremos preparando os disfraces… este ano… A VOLTA AO MUNDO EN 80 DÍAS!
Durante a semana de celebración…
- Os mandatos do Felipiño.
- Obradoiro de percusión (5º, 6º e martes pola tarde adultos)
- Degustación de produtos do entroido.
- O gran desfile do venres!
- Festa da Anpa, venres pola tarde.
III xornada de emisións 0
O próximo VENRES 10 DE XUÑO, animámosvos a vir ao colexio sen utilizar transportes de combustión que aumenten o nivel de CO2 na atmosfera. Así colaboraremos coa redución de gases de efecto invernadoiro que fan aumentar a temperatura terrestre e tanto danan o medio ambiente. Esta actividade tamén nos servirá como punto de partida para solicitar un camiño escolar seguro.
Para os que vos animedes a vir en bicicleta, podemos vir xuntos pola rúa peonil.
Sairemos desde o ximnasio Suh ás 8:30h e pasaremos sobre as 8:35h frente a librería Nóbel.
O aparcamento do Centro será ese día para uso único de bicicletas e patinetes.
Así o fixemos o 10 de novembro! Vídeo resumo… https://youtu.be/mMPSPHIXknU
ENTROIDO 2022
Este ano imos celebrar a Festa do Entroido seguindo os mandatos do Felipiño, como vén sendo tradición neste colexio:
.- Luns: …pon ALGO NA CABEZA,
non se che esqueza.
.- Martes: …adorna o teu PESCOZO,
con algo ben fermoso.
.- Mércores: …porás uns CALCETÍNS DE CORES
para poder brincar polos arredores.
.- Xoves: …ven cun PIXAMA,
e non farás a cama.
.- Venres: ...no venres de Entroido
todos imos desfilar
lucindo os nosos disfraces
sobre a nosa contorna sen igual.
O venres, 25 de febreiro, por mor das circunstancias actuais, non poderemos disfrutar do tradicional pasarrúas, polo que desfilaremos dentro do recinto escolar. O alumnado poderá traer merenda de entroido (filloas, orellas, rosquiñas…) e bebida, que será de consumo individual. As celebracións faranse na aula, sen mesturas de grupos de convivencia.
- Colocarase o Felipiño na entrada do colexio, anunciando os mandatos de tódolos días.
- Anunciarase por megafonía cada mandato antes da saída diaria.
- Os mandatos do Felipiño serán acumulativos cos complementos diarios.
- Ambientarase a entrada do colexio con serpentinas e globos.
MAGOSTO 21
Estimadas familias, este venres 5 de novembro celebraremos o Magosto no centro.
Organizamos para esa xornada degustación de castañas asadas e xogos populares no patio. Cada alumna e alumno aportará 1 euro para o castañeiro que nos acompañará.
Aconsellamos que para esa xornada traian roupa cómoda e abrigada.
SAÚDOS, e grazas pola colaboración.
RECURSOS LETRAS GALEGAS 2021
BAIA RADIO. DÍGOCHO EU!
O alumnado de 4ºC achéganos un novo programa da Baia Radio titulado «Moito que celebrar».
Anímate a escoitalo!
BAIA RADIO. DÍGOCHO EU!
No programa de febreiro, os alumnos e alumnas de 4º de Primaria recórdannos as efemérides do mes de febreiro e achégannos a sección de «Dígocho eu» adicado, esta vez, a expresións relacionadas co tempo.
