Category Archives: EXTRAESCOLARES

II xornada de emisións 0

Animámosvos a vir ao colexio sen utilizar transportes de combustión que aumenten o nivel de CO2 na atmosfera. Así colaboraremos coa redución de gases de efecto invernadoiro que fan aumentar a temperatura terrestre e tanto danan o medio ambiente. Esta actividade tamén nos servirá como punto de partida para solicitar un camiño escolar seguro.

Para os que vos animedes a vir en bicicleta, podemos vir xuntos pola rúa peonil.

Sairemos desde o ximnasio Suh ás 8:30h e pasaremos sobre as 8:35h frente a librería Nóbel.

O aparcamento do Centro será ese día para uso único de bicicletas e patinetes.

Así o fixemos o 10 de novembro! Vídeo resumo… https://youtu.be/mMPSPHIXknU

ENTROIDO 2022

Este ano imos celebrar a Festa do Entroido seguindo os mandatos do Felipiño, como vén sendo tradición neste colexio:

            .- Luns:           …pon ALGO NA CABEZA,

                                   non se che esqueza.

            .- Martes:         …adorna o teu PESCOZO,

                                   con algo ben fermoso.

            .- Mércores:     …porás uns CALCETÍNS DE CORES

                                   para poder brincar polos arredores.

            .- Xoves:         …ven cun PIXAMA,

                                   e non farás a cama.

            .- Venres:         ...no venres de Entroido

                                   todos imos desfilar

                                   lucindo os nosos disfraces

                                   sobre a nosa contorna sen igual.

O venres, 25 de febreiro, por mor das circunstancias actuais, non poderemos disfrutar do tradicional pasarrúas, polo que desfilaremos dentro do recinto escolar. O alumnado poderá traer merenda de entroido (filloas, orellas, rosquiñas…) e bebida, que será de consumo individual. As celebracións faranse na aula, sen mesturas de grupos de convivencia.

  • Colocarase o Felipiño na entrada do colexio, anunciando os mandatos de tódolos días.
  • Anunciarase por megafonía cada mandato antes da saída diaria.
  • Os mandatos do Felipiño serán acumulativos cos complementos diarios.
  • Ambientarase a entrada do colexio con serpentinas e globos.

MAGOSTO 21

Estimadas familias, este venres 5 de novembro celebraremos o Magosto no centro.

Organizamos para esa xornada degustación de castañas asadas e xogos populares no patio. Cada alumna e alumno aportará 1 euro para o castañeiro que nos acompañará.

Aconsellamos que para esa xornada traian roupa cómoda e abrigada.

SAÚDOS, e grazas pola colaboración.

RECURSOS LETRAS GALEGAS 2021

https://academia.gal/letras-galegas/2021/xela-arias
https://afiestradamestra.wixsite.com/descubrindoaxela
http://seminariogalan.org

BAIA RADIO. DÍGOCHO EU!

O alumnado de 4ºC achéganos un novo programa da Baia Radio titulado «Moito que celebrar».
Anímate a escoitalo!

BAIA RADIO. DÍGOCHO EU!

No programa de febreiro, os alumnos e alumnas de 4º de Primaria recórdannos as efemérides do mes de febreiro e achégannos a sección de «Dígocho eu» adicado, esta vez, a expresións relacionadas co tempo.

VACINAS MÁXICAS E RECOLLIDA DE ALIMENTOS

Con motivo da celebración do día da Paz, o alumnado creou unhas vacinas máxicas para combater algúns virus moi frecuentes na nosa sociedade e organizaron unha campaña de recollida de alimentos. Aquí tedes unha mostra da súa gran imaxinación.

ENTROIDO 21

Estimadas familias!

Aquí vos deixamos un pequeno documento audiovisual do entroido deste curso

https://vimeo.com/user68633648/review/518050341/84484edbc9

O colexio converteuse no único lugar de socialización (a parte dos convivintes) da rapazada nestes intres. Para intentar que saian un pouco da monotonía diaria, intentamos realizar actividades adaptadas ao protocolo sanitario esixido.

Este ano por mor da Covid a celebración do entroido será ben diferente. Pedimos a vosa colaboración para que o VENRES día 12, o alumnado veña disfrazado da casa. O tema será » a saúde » e en relación a iso, podedes ser todo o creativos que queirades. Empregade material de refugallo ou o que teñades pola casa. Evitade que o alumnado traia complementos que poidan ser intercambiados entre eles (sombreiros, lentes… sobretodo na etapa de infantil e primeiro ciclo). Agradécese que os disfraces lles permitan a autonomía (para ir ao baño, lavar as mans…).

Mandatos do Felipiño

Ordes do Felipiño

Grazas pola vosa colaboración. Un saúdo.

DÍA DA PAZ E A NON VIOLENCIA

Co gallo da celebración do día da PAZ e a NON VIOLENCIA, realizamos distintas actividades no centro:

A cuarta emisión deste curso do programa BAIA RADIO, a cargo do alumnado de 6ºC.

– Campaña de recollida de alimentos:

No ano 2020, o Premio Nobel da Paz foi outorgado ao Programa Mundial de alimentos da ONU polos seus esforzos na loita contra a fame no mundo. Nós quixemos colaborar con este gran labor organizando unha campaña de recollida de alimentos, en colaboración co «Banco de Alimentos Rías Altas».

Para elo, elaboramos carteis anunciando a iniciativa.

Campaña de recollida de alimentos

Con motivo do Día da Paz e relacionado co premio Nobel do ano pasado (https://youtu.be/ct2v7i3y0_w), levaremos a cabo unha campaña de recollida de alimentos en colaboración co «Banco de alimentos Rías Altas» (coordina asociacións de toda Galicia https://www.balrial.org/).
Os produtos depositaranse en caixas que estarán nas entradas dos edificios de Infantil e Primaria do luns 25 ao venres 29 de xaneiro.
Recordámoslles que deben ser alimentos non perecedeiros. De tratarse de legumes, preferiblemente en botes (precociñados, debido á emerxencia enerxética).
Un saúdo, e moitas grazas pola súa segura colaboración.