Category Archives: NOVIDADES
«ENCRUCILLÁMONOS!»
Para repasar de maneira lúdica os contidos traballados ata o momento, os alumnos/as de 6ºC fixeron uns encrucillados para para resolvelos entre eles/as.
Aquí volos deixamos por se queredes poñervos a proba! Deixaremos un exemplar na biblioteca do centro para poder fotocopialo se o desexades. Lembrade que as respostas poden ser de calquera área.
Anímate e «encrucíllate» a pensar!!
Que vén, que ben!
Un curso máis, a CGENDL pon á disposición da comunidade escolar unha páxina monográfica que compila recursos e materiais sobre o autor homenaxeado no Día das Letras Galegas, nesta ocasión o polifacético escritor Manuel María Fernández Teixeiro.
Pouco a pouco iranse subindo novos materiais feitos por distintos colexios. Polo tanto, aquí vos deixamos unha gran oportunidade para coñecer a este célebre escritor galego e participar na creación de novo material.
MANUEL MARÍA FERNÁNDEZ TEIXEIRO. LETRAS GALEGAS 2016.
ECOVISITA
O alumnado de 6ºC están inscritos nun concurso de radio ECOVOZ, e unha das actividades é recomendar un lugar de interese ecolóxico do seu concello…
Se queres saber cal elixiron… escoita!!!
Atopados!!
Velaquí os gañadores do Manifesto do Día da Paz 2016!!!! Polo tanto, teremos o pracer de escoitar os seus poemas o día 28 de xaneiro.
Noraboa a Lucía de 4º, Víctor de 5º e Rita de 6º
BÚSCASE!!!
Búscase ao protagonista da lectura do manifesto “pacífico” para a celebración do Día da Paz no cole!
Se queres ser ti, terás que ter en conta o seguinte:
1.- Buscar un poema de Manuel María relacionado ca Paz. E se te animas incluso versionalo ao teu antollo!!
2.- Un xurado seleccionará o manifesto gañador que será anunciado nestes carteis. Este gañador/a lerá o seu escrito no día da Paz para todo o colexio.
3.- O texto pódese entregar de maneira individual, en grupos ou ben un por clase.
4.- Os participantes deberán achegar o seu escrito á clase de 6ºC antes do día 20 de xaneiro.
CLASES PARTICIPANTES: 4º, 5º, 6º
BO NADAL!!!
Velaquí o resultado do traballo realizado polas familias. Un collage moiapropiado para estas datas composto de debuxos do Nadal cheos de verbas en galego, a maioría delas pouco coñecidas!
En resumo, xenial familias!!
?
Este xoves… GRAN VISITA!!!
Os paxes dos reis magos virán a comprobar o ben que vos portades para que os Reis Magos de Oriente vos traian fermosos regalos este Nadal!
Non vos esquenzades de darlle as vosas cartas!!!!
CreandAMOS xuntos!!!
Para a 
realización dunha actividade de índole artística- lingüística precisamos da colaboración das familias.
O venres pasado (4 de decembro) cada neno/a levou para casa un pequeno debuxo relacionado co Nadal co fin de que fose decorado e se escribira nel unha palabriña en galego pouco coñecida.
Con estes debuxiños construiremos unha árbore de Nadal que ambientará con cores, debuxos e fermosas verbas galegas a entrada do noso cole.
Graciñas de novo ás familias e esperamos que na vindeira semana podades ver o resultado! 🙂
COLABORACIÓN DAS FAMILIAS COA BAIABIBLIO
Como xa sabedes, o mércores é o día das familias na Baiabiblio.
Para despedir o ano, queriamos realizar unha actividade especial na tarde do mércores 16.
Seguro, seguro, que a algún papá, mamá, avó, avoa, tío, irmá… apetécelle contarnos un conto, ou cantarnos unha canción, ou…
Animádevos e poñédevos en contacto con algún profe do equipo de biblioteca o mércores 9 pola tarde ou no recreo, entrada, saída…
