Roupa e obxectos perdidos
O próximo mércores 12 de marzo realizarase a recollida por parte da ONG Mariola Solidaria da roupa e calzado usado que doen as familias do centro.
Esa xornada tamén levará a roupa perdida que non se reclame no centro. Para unha mellor localización das súas pertenzas, organizamos no patio cuberto para estes últimos días antes da recollida esta pequena exposición.
Recordamos que a mellor maneira de recuperar os obxectos perdidos é identificalos poñendo o nome e apelidos do alumnado.
SAÚDOS
Desfile entroido… 28F
Celebraremos en conxunto co CEIP Praia Xardín e coa colaboración do concello (Policía Local e Protección Civil) o desfile ás 10:45h.
Ao remate, o alumnado realizará a degustación de produtos típicos que aporten as familias.
Obradoiro de percusión para nais e pais do centro
O vindeiro martes 25 de febreiro ás 17:00h na aula de música do centro, poden participar nun obradoiro de percusión orientado a nais, pais e docentes que queiran participar (número máximo 30 persoas).
Só teñen que chamar (881866590) ou enviar un correo (ceip.santabaia@edu.xunta.gal) para realizar a reserva de praza antes do venres 21. Os 30 primeiros que vos apuntedes participarán gratuitamente desta actividade.
De non completar aforo con adultos, poden participar co seu fillo/a de segundo ou terceiro ciclo (máis pequenos terían dificultade de seguir o obradoiro). Indiquen no correo ou na chamada que lles gustaría (avisariamolos telefonicamente de ser posible asistir co/a alumno/a).
Entroido 2025
Actividades previstas!
Durante as semanas previas estaremos preparando os disfraces… este ano… A VOLTA AO MUNDO EN 80 DÍAS!
Durante a semana de celebración…
- Os mandatos do Felipiño.
- Obradoiro de percusión (5º, 6º e martes pola tarde adultos)
- Degustación de produtos do entroido.
- O gran desfile do venres!
- Festa da Anpa, venres pola tarde.
IES Praia Barraña, xornada portas abertas
Dende o IES Praia Barraña queremos solictarvos a difusión da XORNADA DE PORTAS ABERTAS para:
– Nais/pais/ responsables legais do alumnado interesado en cursar 1º ESO.
– Alumnado e familias interesadas en cursar 1º de Bacharelato. Haberá unha aproximación especial para o alumnado da modalidade de artes.
A idea é que o venres 21 de febreiro se acheguen ata a aquí ( Avenida de Compostela, 50 en Boiro) e coñezan o noso proxecto educativo, ao profesorado e as instalacións do centro.
Será ás 17:00 horas.
Haberá servizo de canguraxe gratuíto.
Xornada de portas abertas
Comeza o proceso de admisión para o curso 2025/2026!
Se tes unha filla ou fillo nada/o no 2022 chegou o momento de solicitar praza nun colexio.
Podedes visitarnos o martes 18 ou 25 deste mes ás 16:15h, mellor sen as crianzas.
SAÚDOS
