Boas familia! Chegou Xuño e por fin o sol! Na aula de AL, seguimos facendo diversas cousas en función das necesidades do alumnado. Aquí vos deixo algunhas das actividades feitas:

Motricidade Fina: Na etapa de infantil , como comentei en anteriores entradas, é imprescindible o traballo de Conciencia Fonolóxica e todas as conciencias que acolle dentro. Tamén é de gran interese a motricidade fina en relación co posterior proceso lectoescritor, por iso ás veces reforzamos esta área con xogos ou actividades. O traballo en motricidade fina en educación infantil, non solo prepara ás crianzas para as tarefas académicas coma a escritura senon que tamén os axuda a desenvolver habilidades esenciais para a súa vida diaria e benestar.

Pero… ¿ A qué nos referimos con motricidade fina? Pois podemos dicir que son eses movementos pequerrechos e precisos , nos que utilizamos mans e dedos , e que son esenciais para dibuxar, escribir, abotonar,cortar etc. Ademáis teñen moita importancia porque axuda ao desenvolvemento cognitivo ( concentración, atención, estimulación), prepara para a escritura ( coordinación mano-ollo, fortalecemento dos músculos das mans e brazos) e favorece a súa autonomía posto que lles axuda en actividades prácticas e fomenta a creatividade e a interacción social.

Lectura Global apoiada por pictogramas: A lectura global con pictogramas é unha metodoloxía educativa que utiliza imaxes (pictogramas) xunto con palabras para facilitar a comprensión e a aprendizaxe da lectura especialmente na aula de AL con nenos con dificultades de aprendizaxe ou NEAE. Aquí vos comparto algún video onde vemos o divertida que pode ser as veces este tipo de lectura.

Dificultades lectoescritura : Neste punto estivemos a traballar co método Diverlexia de «Carmen Silva » co cal, ao longo dos anos formeime e utilicei por ser para min moi completo e con contido e actividades divertidas para o alumnado. Ahí vos deixo algunhas das fotos onde se traballa a búsqueda e diferenciación de categorías gramaticais, vocabulario novo e conciencia fonolóxica.( léxica, silábica e fonémica)

Conciencia Léxica : A conciencia léxica , como comentei noutras entradas é a capacidade de recoñecer as palabras como un todo e manipulalas dentro da linguaxe . A conciencia léxica, nos primeiros anos é moi importante posto que conforma a base das habilidades lingüísticas para a aprendizaxe da lectura e escritura. Neste video que vos comparto , facemos o traballo de conciencia léxica de maneira oral ( posto que é na etapa de infantil) mediante pedras de cores ( traballo multisensorial ) que pode contar o alumnado para identificar o números de palabras.

Con isto despídome ata a próxima entrada onde os compartirei actividades e consellos para realizar co alumnado no verán. Saúdos.

Boas familias, hoxe vou compartir con vos algunhas das cousas que facemos coma sempre na aula de AL nas intervencións. Na primeira foto, podedes observar o traballo do recoñecemento das emocións e expresións faciais co alumnado con TEA, posto que experimentan certa dificultade para manexar e recoñecer expresións emocionais as cales son tan importantes no proceso da comunicativo social.

Na segunda foto , estamos a presentar o recoñecemento dos grafemas e o seu correspondente fonema e a relación cunha palabra . ( acercándonos ao principio alfabético).

Na terceira imaxe , aparecen uns libros que particularmente gústanme e que por iso collín un carro deles .

Están escritos en maiúsculas , rimados ( para traballar as rimas e conciencia fonolóxica) e teñen certas palabras en cor diferente ( palabras novas, sustantivos, etc). Estos libros están moi chulos para usar co alumnado que presenta dificultades na lectura xa que así, pódense amosar as letras cos distintos alógrafos» traxes » que posúen. Ademáis , como sabedes , nos primeiros cursos da primaria están máis cómodos neste formato. Os libros chámanse Escuela de Monstruos ,tratan temas superdivertidos e chistosos para os cativos/as e son da Editorial Montena.

Na penúltima foto estamos a traballar con alumnado con a chamada «dislexia» ou Trastorno específico da Aprendizaxe. Unha das dificultades que encontra este alumnado é a entonación e a marca do golpe de voz nas palabras o cal posteriormente conleva dificultades na identificación da acentuación entre «agudas, graves e esdrúxulas». Con esta actividade de Diverlexia estamos facendo un percorrido dende o comezo das dificultades para ir avanzando pouco a pouco. A ver se para a vindeira semana subo uns videos.

Na derraideira foto estamos a respirar e a intentar levar unha cadencia e un control da entrada e saída do aire para obter moitos beneficios ( mellora da saúde, estar máis tranquilo, mellora da articulación, control y relación entre respiración e fonación, etc.). Para iso estivemos a facer exercicios de respiración como xa mostrei outras veces e tamen xogamos con globos e pompeiros para divertilo un pouquiño. Eso si o alumno , quedou mou relaxado!!

Bo fin de mes e vémonos en vindeiras entradas!

O proceso lectoescritor é unha tarefa complexa que require dun traballo en varias aspectos. Tanto os sons coma as letras , unidades mínimas sen significado, conlevan dificultade polo que é necesario un traballo da conciencia léxica, silábica e fonémica. A conciencia léxica é a primeira área a traballar dentro da chamada conciencia fonolóxica. É o contacto directo coas palabras coma un todo ou parte dunha oración para posteriormente poder analizar e profundizar máis minuciosamente. O desenvolvemento desde habilidade é necesario dende infantil para así ir podendo diferenciar as palabras contido ( palabras con significado) das palabras función( conectores) o cal evitará posibles erros de unións, fragmentacións, adicións e outros na escritura. Hoxe vos deixo un exercicio para traballar a conciencia léxica. Neste caso en concreto estase a traballar con alumnado con dificultades de aprendizaxe e trastorno lectoescritor polo cal seguen a ter a dificultade en cursos superiores. Unha maneira de facelo máis práctica e que o exercicio o interioricen por varias vías multisensoriais.

Hoxe imos a falar un pouco sobre o TDAH. Pero… Qué e o TDAH? Pois o TDAH é un trastorno do neurodesenvolvemento e orixe neurobiolóxico que presenta un patrón que persiste de inatención e/ou hiperactividade e impulsividade que inferfiren na vida do neno/a. É importante saber que o trastorno iníciase na infancia , segue na adolescencia e perdura na idade adulta polo que vai a acompañar a persoa no seu proceso vital. Os comportamentos do TDAH deben de darse en dous ambientes para poder ser diagnosticado ( casa, familia, escola, sociedade, etc) polo que é necesario facer unha boa avaliación e estar ben atent@s . A presenza do TDAH non ten porque conlevar erros na linguaxe pero se ben é certo que hai un gran número de alumnado que amosa dificultades na adquisición da linguaxe, na morfoloxía , na conciencia fonolóxica , na pragmática como uso social e na comprensión e expresión oral e escrita. Por todo isto, algún alumnado con TDAH acude a aula de AL para traballar estas dificultades xunto cos erros ortográficos e de comprensión provocados pola impulsividade e falta de atención. Algunhas actividades para poder mellorar poden ser as seguintes: Citar palabas que comecen por una fonema determinado, palabras encadenadas, crear oracións con sentido con recortes de periódicos, role playing sobre situacións sociais, contar historias e facer preguntas, etc. Ahí vos deixo algunha imaxe de actividades feitas con alumnado con TDAH e afectación da linguaxe.

Estas semanas estivemos a traballar bastante na área Léxico-Semántica ( vocabulario e significado) e a Morfosintaxe ( relación das palabras para formas oracións). Elaboramos oracións con recortes, e creamos oracións con imaxes e ordes dadas. En moitas ocasións o alumnado elabora oracións moi sinxelas con verbos copulativos e con léxico reducido polo que o traballo de morfosintaxe é un elemento esencial para a posterior elaboración de redaccións, contos, pequenos textos, etc. Ao comezo , a actividade de recorte-puzzle parece algo con certa dificultade pero posteriormente o alumnado vai buscando estratexias coma os puntos finais, as maiúsculas , as concordancias … para facer oracións correctas e con sentido. ( Posteriormente a complicamos poñendo en Pasado e Futuro para traballar os tempos verbais ). Na outra actividade con imaxes lles é moi sinxelo a creación de oracións mediante a instrucción e imaxes dadas. Por outro lado tamén estivemos a facer comprensión lectora. Como sabemos a comprensión lectora afecta a todas as asignaturas ( Qué importante é comprender o que se lee!) . Por iso decidimos aplicala sobre problemas matemáticos , suliñando os datos, anotandoos, poñendo o que piden e realizando a tarefa . Todo isto realízase mediante AUTOINSTRUCCIÓNS. Aquí vos quedan algunhas imaxes das actividades, saúdos .

O 8M foi o día da Muller, e na aula de AL estivemos a conmemorar esta data con oracións que recollen agradecementos ás mulleres das familias do alumnado. Con esta actividade reflexionaron sobre todo o que fan as mulleres das suas casas e tamén traballaron a morfosintaxe e motricidade fina. Ao final quedounos un colgador moi xeitosiño o cal levaron de regalo para as suas nais, avoas … Tamén nesta semana fomos un pouco fozóns e andivemos a mancharnos coa escuma de afeitar. Os procesos da aprendizaxe non son iguais para todo o alumnado, e na nosa man ,como especialistas, está axudarlles e adaptar os materiais buscando estratexias para asentar dita aprendizaxe. O proceso alfabético é un dos 5 procesos que interveñen na lectura por iso, e moi importante co alumnado coñeza a relación dos sons coas letras e sepa manipular mentalmente con eles. E….. qué mellor maneira de pintar na escuma á vez que xogamos coas bocas ( as de hoxe saironlle carie en forma de letra :)?

Bos días a todxs , hoxe comezamos cun traballo de articulemas con e sen grafía asociada. E … ¿ qué son estos articulemas ? Pois son imaxes que representan a colocación da boca cando pronunciamos un determinada fonema. Son varios os estudos, que argumentan a eficacia dos mesmos na ensinanza da lectura xa que os nenxs comezan a manexar os rasgos fonémicos, a segmentación fonémica e o comezo do principio alfabético, cando se lle vai introducindo o grafema cerca do articulema. Con todo iso na aula de AL, utilizamos os articulemas xa que consideramos que os nenxs acadan unha aprendizaxe mais significativa e máis rápida para unha posterior lectura e correción de erros articulatorios.

Hoxe, na nosa aula , xogamos cos articulemas cara o espello asociándoos a palabras do Nadal. Consello do día : Os articulemas podedes imprimilos na casa e xogar cos vosos fillxs, pero é importante saber que é un método para trabajar sons, que cada persona coloca a boca e a lingua un pouco diferente a outra ao representar un mismo son ( non todxs somos iguais), e que non son un método de lectura senon unha forma de traballar a pronunciación e o xogo de sons ( as letras ou grafias non é recomendable colocalas ao lado ata máis adiante para non confundilxs) . Abaixo vos deixo o enlace aos articulemas por si os queredes decargarlos para xogar e reforzar na casa, Sáudos. .http://merakilogopedia.blogspot.com/2020/11/articulemas-con-y-sin-grafemas-asociados.html

Remata o primeiro trimestre, e achéganse as ansiadas vacacións de Nadal por parte dos pequenxs. Despois de moito traballo por parte del@s , e ben merecido un pequeno descanso. Dende a aula de AL, mandámosvos esta felicitación de Nadal co noso abecedario. Ademáis achegamos unhas pequenas recomendacións para favorecer a Linguaxe nas casas cos alumnos/as de Educación Infantil . Esperamos que vos guste. Felices Festas e vémonos á volta.

Na nosa aula de AL, falamos, comentamos historias, anécdotas e contos que dan lugar a preguntas e dúbidas. E… chas! Chegou a idea ! Despois de falar cunha alumna sobre as persoas que están e non están na nosa vida, xuntas decidimos poñernos mans á obra e argallar a súa árbore xeneolóxica para regalarlle a súa avoa polo Nadal.

E diredes… unha árbore xeneolóxica ?? Pois sí , e vaia que pode ser unha actividade moi atractiva para facer con alumnos/as con dificultades na linguaxe . ( TEL, Trastorno na lectura , escritura e outros…) Con esta actividade, estivemos a traballar moi duro durante o trimestre ata facer un gran libro familiar, onde a nena aprendeu a facer unha árbore a través das TAC , escribiu e fixo redaccións sobre todos os membros da familia, expresou emocións, lembrou historias e recordos de familiares que xa non están, debuxou e decorou e organizou toda a información. En relación coas áreas de AL, estivemos mellorando a conciencia léxica, vocabulario, rimas, expresión oral a través das fotos, organización da grafía no espazo, elaboración de oracións complexas e uso das autoinstruccións para facer redaccións sobre os familiares. Hoxe por fin poñemos fin a actividade con moito cariño , traballo e amor esperando que sexa un libro que perdure sempre con ela e coa familia. Aquí vos deixo algunha fotiño aínda que non se pode apreciar o bonitiño que quedou o Gran libro familiar.