Category Archives: EXTRAESCOLARES
VACINAS MÁXICAS E RECOLLIDA DE ALIMENTOS
Con motivo da celebración do día da Paz, o alumnado creou unhas vacinas máxicas para combater algúns virus moi frecuentes na nosa sociedade e organizaron unha campaña de recollida de alimentos. Aquí tedes unha mostra da súa gran imaxinación.
ENTROIDO 21
Estimadas familias!
Aquí vos deixamos un pequeno documento audiovisual do entroido deste curso
https://vimeo.com/user68633648/review/518050341/84484edbc9
O colexio converteuse no único lugar de socialización (a parte dos convivintes) da rapazada nestes intres. Para intentar que saian un pouco da monotonía diaria, intentamos realizar actividades adaptadas ao protocolo sanitario esixido.
Este ano por mor da Covid a celebración do entroido será ben diferente. Pedimos a vosa colaboración para que o VENRES día 12, o alumnado veña disfrazado da casa. O tema será » a saúde » e en relación a iso, podedes ser todo o creativos que queirades. Empregade material de refugallo ou o que teñades pola casa. Evitade que o alumnado traia complementos que poidan ser intercambiados entre eles (sombreiros, lentes… sobretodo na etapa de infantil e primeiro ciclo). Agradécese que os disfraces lles permitan a autonomía (para ir ao baño, lavar as mans…).
Mandatos do Felipiño
Grazas pola vosa colaboración. Un saúdo.
DÍA DA PAZ E A NON VIOLENCIA
Co gallo da celebración do día da PAZ e a NON VIOLENCIA, realizamos distintas actividades no centro:
– A cuarta emisión deste curso do programa BAIA RADIO, a cargo do alumnado de 6ºC.
– Campaña de recollida de alimentos:
No ano 2020, o Premio Nobel da Paz foi outorgado ao Programa Mundial de alimentos da ONU polos seus esforzos na loita contra a fame no mundo. Nós quixemos colaborar con este gran labor organizando unha campaña de recollida de alimentos, en colaboración co «Banco de Alimentos Rías Altas».
Para elo, elaboramos carteis anunciando a iniciativa.
Campaña de recollida de alimentos
Con motivo do Día da Paz e relacionado co premio Nobel do ano pasado (https://youtu.be/ct2v7i3y0_w), levaremos a cabo unha campaña de recollida de alimentos en colaboración co «Banco de alimentos Rías Altas» (coordina asociacións de toda Galicia https://www.balrial.org/).
Os produtos depositaranse en caixas que estarán nas entradas dos edificios de Infantil e Primaria do luns 25 ao venres 29 de xaneiro.
Recordámoslles que deben ser alimentos non perecedeiros. De tratarse de legumes, preferiblemente en botes (precociñados, debido á emerxencia enerxética).
Un saúdo, e moitas grazas pola súa segura colaboración.
BAIA RADIO «DÍGOCHO EU»
Este último programa do ano está adicado ao Nadal.
Repasaremos as expresións máis usadas nestas datas.
Asemade, recordarvos que volveremos no 2021 con novos programas.
BO NADAL. FELIZ NAVIDAD. BON NADAL. EGUBERRI ON.
BAIA RADIO
A continuación podes escoitar un novo programa da Baia Radio adicado, esta vez, á CIENCIA.
Posta en marcha do HORTO
A Asociación AMICOS colabora co noso Centro en varios aspectos. Este curso incluímos a súa colaboración coa posta en marcha do horto escolar, que durante o confinamento se botou a perder:
Despois da intervención dos usuarios e monitores de Amicos, xa temos o horto preparado para comezar coas actividades educativas co alumnado do Centro.
En breves xornadas comezaremos coa plantación e coidado das parcelas e invernadoiro.
SAÚDOS
SAMAÍN. DIGOCHO EU!
A partires de hoxe, comezaremos a emisión, a través da Baia Radio, dun programa mensual chamado
«DÍGOCHO EU»
Esperamos que vos guste e sexa do voso agrado. Poderase desfrutar del a través da web do centro e do blog da Biblioteca.
Co gallo da celebración do Samaín, gravamos un programa adicado a esta conmemoración:
«Dígocho eu. Especial Samaín»
Asemade, durante os vindeiros días, compartiremos con vós outras actividades que estamos realizando para celebrar estas datas no colexio.
Agora, atreveste a poner a proba os teus coñecementos da nosa lingua?
Tamén realizamos unha espectacular QUEIMA DOS MEDOS!
Día Mundial do Medio Ambiente, 5 de xuño
Queremos propoñervos una serie de actividades para conmemorar esta data:
- Inventa un refrán sobre o medio ambiente.
- Fai nubes de palabras dixitais con vocabulario desta temática. Podes usar WordArt.com. Seguindo unha serie de pasos moi sinxelos (pinchar en crear, engadir unha lista de palabras que ti elixas, en “shapes” seleccionar a imaxe que che guste e por último, visualizar) conseguirás resultandos como estes:
- Elixe e realiza una acción sobre o medio en compaña da túa familia; por exemplo: coida unha planta do parque, pecha un grifo que atopes aberto, …
