Category Archives: EDLG
ANUARIO METEOROLÓXICO GALICIA 2021
En relación coas nosas actividades meteorolóxicas no «Dígocho Eu» da BaiaRadio elaboramos este resumo do que foi o ano meteorolóxico 2021. Esperamos que vos guste ao tempo que reparedes o diferente que é a nosa Galicia dun recanto ao outro do seu territorio.
3ª ENTREGA DO «DÍGOCHO EU» METEOROLÓXICO
Con esta terceira entrega pechamos este 2021 un tanto atípico meteorolóxicamente falando, pero volveremos no 2022 con novas entregas e programas a través da BaiaRadio. Desexamos a todas as familias un BO NADAL.
ESTE CURSO: DÍGOCHO EU METEOROLÓXICO!
Queremos a través da nova sección do Dígocho Eu dar un enfoque máis científico, didáctico e cultural ao noso proxecto, polo que cada mes ademais de poder seguir o programa de radio a través da páxina web tamén engadiremos a información meteorolóxica nun documento para poder ser consultada.
Igual no futuro o próximo home ou muller do tempo sexa un alumno ou alumna deste colexio. Nunca se sabe…
Este curso estamos de estrea no Dígocho Eu: o Dígocho Eu meteorolóxico.
O tempo meteorolóxico condiciona as nosas vidas, de xeito que saber que roupa imos poñer mañá ou se temos que coller o paraugas ou ir no coche porque chove, obríganos a estar pendentes del.
Este curso imos aprender no Digocho Eu cousas sobre o tempo e o clima, dous conceptos que seguro xa estudastes. E tamén nos imos atrever a facer prognósticos.
E se por culpa nosa algunha molleira agarrades, sempre podedes consultar na internet o tempo, nos dous organismos que o predín, un a nivel de toda España, a Aemet, e outro en Galicia, Meteogalicia.
Cando entrades e saídes do cole, non vedes uns aparatiños dentro dunha reixa? É unha estación meteorolóxica que mide as temperaturas, litros de chuvia e outros elementos. E eses datos, sabedes a onde van? Van á Aemet, temos no cole unha estación da Aemet. E de Meteogalicia, hai estación por aquí? Si, en Cespón, preto da igrexa.
Así por exemplo, gracias a estas estacións sabemos que esta semana do 25 ao 29 de outubro, a temperatura máxima en boiro rexistrouse martes e mércores en Cespón con 22o e a mínima marcouna a estación do cole o mércores con 6o. Luns aínda quedaron restos de inestabilidade da fin de semana anterior, polo que a estación de Cespón rexistrou só 5 horas de sol e a estación do cole contabilizou 0,4 litros de chuvia. O día máis soleado foi mércores, con 9 horas de sol en Cespón. Onte xoves chegaron xa cedo, pola mañá, as primeiras nubes asociadas a unha profunda borrasca noratlántica, que nos deixaron só 1 hora de sol, 38 litros de chuvia e un refacho máximo do vento de 49 km/h ata as 00:00 horas en Cespón, 23 litros no cole.
Esta semana cerramos o mes de outubro, e xa van dous de curso, parece que comezamos onte, e neste mes de outono por excelencia a estación de Cespón acumulou 178 litros de chuvia, a temperatura máxima que marcou foi de 29o e unha mínima de 5o, foron 169 as horas de sol e o refacho máximo do vento foi de 53 km/h.
E despois desta enchente de datos, aí vos vai a nosa primeira predición para os próximos días:
Para o día de hoxe venres
o magosto habíamos ter,
pero borrasca augafestas
foi e veuno suspender,
toda a finde deste Santos
ben auguiña havos de caer,
que con aletas para martes
ao cole habemos volver,
se truco e trato facer non podes,
de dicir non has esquecer:
Dííígocho Euuu!!!
LINGUA E INCLUSIÓN
Desde o Equipo de Dinamización da Lingua Galega (EDLG) do centro, impulsouse unha inciativa que coordinou o departamento de cultura e educación do concello de Boiro e no que colaboraron o CEIP Cespón, CEIPP Abanqueiro, CEIP Praia Xardín e CEIP Escarabote. Tamén se contou coa colaboración de Amicos xa que fixemos estensible a dinamización da lingua á mellora da accesibilidade cognitiva.
VIDEO CELEBRACIÓN LETRAS GALEGAS
O pasado 14 de maio celebramos o Día das Letras Galegas aproveitando o bo tempo coa realización dun concerto/baile no patio do colexio.
A EVOLUCIÓN DOS NOSOS NOMES
No ano 2008 o equipo de Normalización Lingüística realizou un estudo dos nomes dos nosos nenos e nenas para ver dos gustos ao respecto da nosa comunidade educativa, así como da situación de uso do galego. No presente curso o EDLG retomou o tema para ver a súa evolución.
RECURSOS LETRAS GALEGAS 2021
GALECARICATURA XELA ARIAS
Comezamos a Semana das Letras Galegas, a celebración por excelencia da nosa lingua e cultura. Será unha semana chea de diversas actividades musicais, artísticas…, e con algunha que outra sorpresa.
