Category Archives:
Entrega de equipos informáticos
e-Dixgal
Mañá 10 de outubro faremos entrega dos equipos informáticos ao alumnado.
Consta de portátil identificado co nome do usuario, funda identificada cos datos do Centro, cargador, lapis táctil e libreto de instrucións e garantía.
A primeira actuación que teñen que realizar cando o alumnado chegue a casa co equipamento, é a comprobación de que teñen todo o material, recoller a copia do acordo de cesión e poñer os equipos a cargar.
Xoves, cos equipos xa cargados, darémoslles as primeiras instrucións ao alumnado para que poidan comezar o seu uso.
SAÚDOS, o equipo docente de 5º nivel
5º curso… E-DIXGAL
O CEIP Santa Baia ven de adscribirse ao proxecto de Educación Dixital en Galicia (E-Dixgal), que ten como obxecto favorecer a incorporación xeralizada das tecnoloxías da información e comunicación (TIC) no desenvolvemento da actividade educativa, facilitando aos Centros adscritos á Rede Abalar a dispoñibilidade de libros e de outros materiais dixitais cos que poidan desenvolver o seu proxecto curricular de 5º e 6º de educación primaria.
Os centros adscritos deberán utilizar a este proxecto terán acceso a un entorno virtual de aprendizaxe cos contidos gratuitos proporcionados pola Consellería de Cultura, Educación e Ordenación Universitaria. Os Centros deberán utilizar para o desenvolvemento curricular materiais de referencia dixitais, que poden proceder deste entorno e/ou proporcionados polo Centro. Si o centro conta con libros e outros materiais didácticos poderán utilizarse como complemento de apoio.
O alumnado de 5º do noso Centro contará cun equipo informático aportado pola xunta para cada un deles, do que serán responsables as familias.
LEMBRANZAS.
Agora que xa remata o curso toca facer memoria e lembrar o ben que o pasamos xuntos.
Paso visible da ISS
Achegamos unhas indicacións para poder disfrutar da visión do paso da ISS polo ceo boirense.
Paso visible 1 de diciembre 2017
Pasos visibles semana 27 nov 03 dec
Esperamos que vos guste!
Semana da ciencia. Venres 17.
O alumnado de 1º tivo a oportunidade de ver o que se pode facer cunhas simples pezas de construción, un motor, un mando a distancia e imaxinación. Un alumno de 6º amosóunolo.
Teatro «O lobo e a Lúa»
Este xoves 16 fomos Á Cachada a ver a obra teatral «O lobo e a Lúa».
VENDIMA NO COLE
Todo o alumnado de 3º de primaria tivo unha xornada dedicada a coñecer un froito tan outonal como a UVA e os seus derivados: mosto e viño.
Puidemos elaborar e probar mosto branco e tinto, separar o bagazo e deixamos fermentar un pouco de mosto para ver o efecto que se producía para obter o viño.
Nunca víramos o gas que se produce e que tamén está na coca cola!!!!
É DIVERTIDO APRENDER VISITANDO A COCIÑA DO COLE!!!!!!!.
CLUB DE LECTURA
Xa está en marcha o club de lectura para os alumn@s de 6º.
O libro elixido polos membros do club é «Ojos de nube», de Ricardo Gómez.
http://baiabiblio.blogspot.com.es/
Achegando dous mundos
Proxecto realizado no curso 2016/2017 co alumnado de 6º e os usuarios do Centro de día de Boiro.
Actividade formidable, formadora e na que aprendemos moito… de todo.
Aquí vos deixamos un resumo, esperamos que vos guste. SAÚDOS
