O noso centro está participando en dous proxectos eTwinning xunto a outros centros educativos europeos:

“TIME TO MAKE THE MOVE”. Aproveitando a visita dos cociñeiros e camareiros do Obradoiro de emprego de Hostalería Boiro aos nenos/as de Educación Infantil, elaboramos un vídeo para compartir cos 133 coles europeos que participan neste proxecto. Nel podemos  ver a variedade de actividades que se levaron a cabo co noso alumnado: descubrir pola vestimenta quen viña a visitalos; pensar nos alimentos saudables, pintalos e clasificalos; amasar pan e degustar diversos pratos para un “Almorzo Saudable”.

«EVERYTHING IN LIFE IS MADE OF MATH«. Participamos neste proxecto xunto a varios centros de Rumanía, Italia e Polonia. A primeira actividad realizada foi presentarnos aos compañeiros dos outros coles.